Foto: Ashyq derekkóz
Oqıǵa bıylǵy jyldyń 27 aqpanynda Qyzyljar aýdanynyń Beskól aýylynda bolǵan. Sot materıaldaryna súıensek, mas kúıinde kelgen tanysyn úıinen qýyp shyǵa almaǵan sottalýshy onyń jelke tusynan baltamen eki ret soqqy bergen. Alǵan jaraqatynan er adam oqıǵa ornynda til tartpaı ketken.
Qylmysyn jasyrý úshin áıel edendegi qan izderin jýyp, máıitti jatyn bólmedegi tósektiń astyna tyǵyp qoıǵan. Kúdikti birneshe kún boıy máıit jatqan úıde uıyqtap, jumysyna baryp, kórshilerimen emin-erkin aralasyp júrgen. Tipti, polıseıler úıine izdep kelgende de syr bermegen. Tek bólmedegi jaǵymsyz ıis qana qylmystyń betin ashty.
Sottalýshy óziniń áreketin «tek qorqytqym keldi» dep aqtaýǵa tyrysqanymen, sot onyń buryn da kisi óltirgeni úshin sottalǵanyn eskergen. Onyń áreketinde qylmystyń qaýipti resıdıvi anyqtalǵan.
Nátıjesinde áıel kináli dep tanylyp, 14 jylǵa bas bostandyǵynan aıyryldy. Ol jazasyn qaýipsizdigi barynsha joǵary mekemede óteıdi. Sondaı-aq sottalýshyǵa jazasyn óteý orny boıynsha maskúnemdikten májbúrli túrde emdelý taǵaıyndaldy.
Máıitti jyldar boıy jasyrǵan: Maıqaıyńdaǵy oqıǵaǵa qatysty jańa málimetter jarııalandy
Úkim zańdy kúshine engen joq.
