«Baryńmen bólis, jaqsylyq jasap jarys!..»

Oblys ortalyǵyndaǵy Máshhúr Júsip atyndaǵy meshit «Baryńmen bólis!» qaıyrymdylyq jasaý sharasyn jalǵas­tyrýda. Shara barysynda kómekke zárý 45 otbasyna azyq-túlik, meıirimdi jandar ákelgen kıim-keshek taratyp berildi. «Baryń­­men bólis, jaqsylyq jasap jary­syń­dar!» – deıdi qaıyrymdylyq jasaý­sh­ylar. Qazir meshitte «Mektepke jol» sharasy boıynsha qamqorlyqqa zárý ot­basy­larynyń 1 qyrkúıekte mek­tep­ke ba­ratyn balalaryna kómek jasalýda. «Ata-babadan qalǵan asyl qasıet ózimiz­ben birge bolsyn. Bir-birimizge qaıy­ry­m­dy, meıirimdi bolaıyq», – deıdi meshit qyz­metkerleri. Osyndaıda dúken satýshysynyń myna bir aıtqany esime tústi. Keshkilik ýaqytta birneshe bólik boıynsha azyq-túlik, kókónis, kir jýǵysh zattar, táttiler satatyn dú­keni­miz­ge bir jas jigit júgirip kirdi. «Apaı­lar, 600 teńge taýyp berińizdershi! Bar aqsham­dy tartyp alyp, ózimdi soqqyǵa jyq­qan­dary, bireýlerdiń. Aýylǵa qaıta almaı tur­myn, kómektesińizdershi», – dedi entigip. Bir-birimizge qaradyq. Jigittiń túsi shynymen de adam aıarlyqtaı. Bir bul emes, dál osy jigit sııaqty 20, 50, 100 teń­ge surap keletinder de barshylyq. Araq ishe­ti­n­derin biletindikten, eshteńe joq dep qýyp jiberetinbiz. Myna jigitke sener-sen­be­si­mizdi bilmeı, bul da solardyń biri shyǵar dep qaldyq. Aqyry, bárimiz de bala ósirip otyrmyz ǵoı, shynymen de janymyz ashyp, jigittiń suraǵan aqshasyn berip, shyǵaryp saldyq. Sodan, arada jarty jyldaı ýaqyt ótkende álgi jigit kelip tur. Bári­miz eski tanystaı jón surasyp jatyrmyz: «Apaılar, rahmet sizderge! Sol kúni sizder bolmaǵanda men úıge jete almaýshy edim. Semeı arqyly júretin avtobýspen aýylǵa jettim. Sheshem ýaıymdap, dalada kútip júr eken, uıyqtamaı», dep ózimiz jınap bergen 600 teńgeni berip tur!.. Byltyr úıi órtenip, oblystaǵy Shar­baqty aýylynyń turǵyny Elmıra Jasybaeva 5 balasymen dalada qala jazdady. Joq, olaı bolǵan joq, qaıyrymdy jandar úı satyp áperdi. Jańa úıdi pavlodarlyq kásipkerler syıǵa tartypty. Qaıyrymdy jigitterdiń biri – Aleksandr, ekinshisi – Rýslan, biraq olar ózderi týraly basqa aqparat bermepti. Mesenattar ózderin jarnamalaý úshin kelmegenin, balalaryn baılyǵy kórgen anaǵa shynaıy kómekteskisi keletinderin aıtypty. El­mıra­nyń aıtýynsha, habarlasqan adamdar óte kóp bolypty. Qoldaý kórsetipti, aqsha aýdaryp­ty. Mıras degen jigit erikti azamattar­men kelip, tońazytqysh, elektr plıtasyn berip ketken. Roman, Janat, Sábıden, Tımýr esimdi jigitter azyq-túlik, kıim-keshek, balalaryna oıynshyqtar tapsyrypty. Aqtóbeden eki áıel habarlassa, biriniń esimi Marjan, aqsha salyp jibergen. Qıyn sátte qolushyn sozǵan barlyq adamdarǵa analyq alǵysymdy aıtamyn. Alladan qaıtsyn jaqsylyqtary», – deıdi Elmıra Jasybaeva. Farıda BYQAI, «Egemen Qazaqstan» Pavlodar oblysy