Sońǵy bir-eki apta boıy Atyraýda ańqany keptirip, shekeni teserdeı aptap ystyq boldy. 112 ortalyǵynan ystyqtyń +42 gradýsqa jetetindigi týraly habarlamalar tústi. Alaıda, burnaǵy kúni tús aýa Atyraýda nóser jańbyr jaýdy. Shańdy basar, ystyqty qaıtarar degenderdi az-kem ábigerge saldy. Aldymen, kók júzinde túıdek-túıdek jóńkilgen bulttan barmaq basyndaı burshaq túsip, sońynan nóserge ulasty.
Kózdi ashyp-jumǵandaı áp sátte qala joldary kól-kósir sýǵa toldy. Jeldiń ekpini kúsheıip, shatyrlar qustaı quldılap ushty. Tótenshe jaǵdaılar departamentiniń aqparatyna qaraǵanda, sol kúni 15-20 metr/sekýndqa deıin jetken jeldiń ekpini 4000 sharshy metr shatyrdy ushyrǵan. Oblys ortalyǵyndaǵy 8 aýlanyń aýmaǵyn jańbyr sýy basty. Turaqtardaǵy kólikter búlindi.
Joldasbek ShО́PEǴUL
Atyraý
