Prezıdent birneshe memleketke saparmen barady

Memleket basshysynyń qatysýymen ótetin aldaǵy is-sharalar ańdatpasy belgili boldy. Akorda.kz-tiń habarlaýynsha, Qazaqstan Prezıdenti 22 tamyz – 5 qyrkúıek aralyǵynda birneshe memleketke saparmen barady. Atap aıtqanda, 22-23 tamyzda Nursultan Nazarbaev Prezıdent Andjeı Dýdanyń shaqyrýymen Polsha Respýblıkasyna memlekettik saparmen barady. Eki eldiń kóshbasshylary saýda-ekonomıka, ınvestısııa, aýyl sharýashylyǵy, sondaı-aq tranzıt-kólik jáne mádenı-gýmanıtarlyq salalardaǵy yntymaqtastyqty nyǵaıtý joldaryn talqylaýdy josparlap otyr. Budan bólek, Memleket basshysynyń Qazaqstan-Polsha bıznes-forýmyna qatysýy kózdelgen. 23-24 tamyzda Qazaqstan Prezıdenti resmı saparmen Serbııa Respýblıkasyna baryp, onda Prezıdent Tomıslav Nıkolıchpen kezdesedi. Kelissózder aıasynda memleketter basshylary Qazaqstan men Serbııanyń ekijaqty qarym-qatynasynyń ózekti máselelerin talqylaıtyn bolady. Nursultan Nazarbaev 1-5 qyrkúıek aralyǵynda QHR Tóraǵasy Sı Szınpınniń shaqyrýymen G-20 Sammıtine qatysý úshin Qytaı Halyq Respýblıkasyna saparmen barady. Sapar barysynda Memleket basshysy Sı Szınpınmen kezdesip, onda Astana men Beıjiń yntymaqtastyǵynyń basym baǵyttary talqylanady dep josparlanýda. Budan bólek, Sammıt aıasynda delegasııalar basshylarymen birqatar kelissózder ótpek. Aıdar О́RISBAEV