Mádenıet jáne sport mınıstri Olımpıada chempıonyn quttyqtady

Mádenıet jáne sport mınıstri Arystanbek Muhamedıuly otandyq boks quramasynyń kapıtany Danııar Eleýsinovty Rıo-de-Janeırodaǵy Olımpıadanyń jeńimpazy atanýymen quttyqtady. Bul týraly atalǵan mınıstrliktiń baspasóz qyzmeti habarlady. О́z quttyqtaý hatynda mınıstr Danııar Eleýsinovtyń jeńisi elimizdiń mıllıondaǵan azamaty úshin qýanyshty sát bolǵanyn atap ótti. «Qurmetti Danııar Maratuly! Qazaq eliniń tól sportyna aınalǵan bokstan Olımpıada chempıony atanýyńyzben shyn júrekten quttyqtaımyn! Bul jeńisińiz sizdiń kúshińiz ben sheberligińizge sengen elimizdiń mıllıondaǵan azamaty úshin qýanyshty sát boldy. Búkil álem halqynyń aldynda aty áıgili qarsylastaryńyzdy tize búktirip, shyn myqtylyǵyńyzdy moıyndata bildińiz. Al, biz siz sııaqty batyrlarymyzdyń arqasynda shynaıy maqtanysh sezimine bólendik. Siz sekildi júrekti, bilekti azamattarymyz barda Qazaqstannyń ánurany barsha adamzattyń aldynda áli talaı ret shyrqalyp, týy kókke kóteriletinine nyq senimdimin. Qazaq halqynyń dara uldary bastaǵan komanda árqashan tek jeńis tuǵyrynan kórinedi degen oıdamyn», – dep hatynda Arystanbek Muhamedıuly. Aıdar О́RISBAEV