«Egemen» men «Qazaqstan» birlesken jobalardy júzege asyrady

Búgin elimizdegi eń iri eki aqparat quraly – «Egemen Qazaqstan» gazeti men «Qazaqstan» teleradıokorporasııasy arasynda ózara yntymaqtastyq týraly memorandým bekitildi. Bas basylymnyń ǵımaratynda ótken kezdesý barysynda osy qujatqa «Egemen Qazaqstan» respýblıkalyq gazeti» AQ basqarma tóraǵasy Darhan Qydyráli jáne «Qazaqstan» RTRK» AQ basqarma tóraǵasy Nurjan Muhamedjanova qol qoıdy. Bul memorandým qazaq baspasóziniń qara shańyraǵyna aınalǵan, 100 jylǵa jýyq tarıhy bar gazet pen qabyrǵaly qalyń eldiń súıikti telearnasyna birlesken jobalardy júzege asyrý, otandyq aqparat keńistiginde sapaly ónimder usyný jáne shyǵarmashylyq úderisterde ózara qoldaý kórsetý turǵysynan tıimdi yntymaqtastyqqa jol ashady. Kezdesý barysynda Nurjan Jalaýqyzy atap ótkendeı, qazirgi zamanda otandyq aqparat quraldaryna jańa talaptar men mindetter qoıylyp otyr. О́ıtkeni, baspasóz qalyń jurtshylyqqa sapaly, básekege qabiletti ónim usynýy tıis. Sondyqtan bolashaqta osy memorandým negizinde kóptegen mańyzdy jobalardy birlesip iske asyrý josparlanǵan. «Egemen-aqparat»