Paıdalanyp qatesin, jeńdi «Astana» belarýstiń BATE-syn

Keshe fýtboldan Eýropa lıgasynyń pleı-off kezeńinde «aAstan» komandasy Belarýstiń BATE klýbymen kezdesti. Kezdesýde alań ıeleri 2:0 esebimen jeńiske jetti. Match qyzyqty jáne tartysty ótti. Ásirese, onyń ekinshi taımynda «Astana» komandasy Eýropa lıgasynyń toptyq týrnırine joldama alý úshin baryn salyp óner kórsetti. Kezdesýde alań ıeleri óz alańynda jeńis­ke degen jigerliligin tanytyp matchtyń 70-shi mınýtynda alǵash­qy goldy Jýnıor Kaba­nanga soqsa, arada 12 mınýt ótkende Azat Nur­ǵa­lıev ekinshi doptyń avtory atandy. Osy je­ńis «Astananyń» Eýro­pa lıgasynyń top­tyq týrnırine shyǵýǵa múmkindik berip otyr. Belarýstiń klýby biz­diń eldiń komandalarymen alǵash ret kezdesip otyrǵan joq. Buǵan deıin olar Qaraǵandynyń «Shah­­ter» komandasymen oınap, eki kezdesýde de otandastarymyzdan je­ńilgen bolatyn. Keshe «Astanamen» oıynda qonaqtar sol joly ketken eseni qaıtara almady. Endi BATE-ge toptyq týrnırge shyǵý úshin bir aptadan keıin Borısov qalasynda ótetin kezdesýde gol jibermeı, «Asta­nany» úsh dop aıyrma­shylyǵymen jeńý kerek. Al astanalyqtar buǵan jol bermeýge tyrysady. Dastan KENJALIN, «Egemen Qazaqstan» Sýretti túsirgen Mansur HAMIT