Aımaq nysandaryn aralady

Parlament Senatynyń depýtattary Baqtybaı Shelpekov pen Mıhaıl Bortnık Mańǵystaý oblysynda jumys saparymen boldy, dep habarlady Parlament Senatynyń baspasóz qyzmeti. B.Shelpekov aımaqtyń alǵashqy jartyjyldyqtaǵy áleýmettik-ekonomıkalyq damýynyń qory­tyndylary qaralǵan oblystyq máslıhattyń sessııasyna qatysty. Senator óz sózinde Memleket bas­shy­synyń «100 naqty qadam» – Ult Jos­parynda alǵa qoıylǵan stra­tegııalyq mindetter jaıyn­da aıta kelip, Parlamenttiń refor­malardy zańnamalyq turǵyda qam­tamasyz etý qyzmetine toqtal­dy. Depý­tat densaýlyq saqtaý, turǵyn úı qury­lysy salalary jáne oblys­tyń tranzıttik áleýeti men jergilikti polısııa qyz­metin jaqsartý jónindegi ózek­ti máseleler týraly óz oılaryn or­t­aǵa saldy. Jergilikti turǵyndar jáne eńbek ujymdarymen kezdesý barysynda B.Shelpekov pen M.Bortnık aı­maq­tyń qazirgi kezdegi damýymen ta­nysty. Áýelde senatorlar Aqtaý qa­la­synyń jurtshylyǵymen kezdesti. Odan soń «Nurly Jol» baǵ­dar­lamasy aıasynda salynyp jatqan Beıneý – Shetpe – Jeti­baı – Aqtaý avtomobıl jolyn jań­ǵyrtý barysymen tanysty. Senat depýtattary Qaraqııa aýdanyna baryp, aýdan­dyq máslıhat depýtattarymen, aýyl aqsaqaldary jáne turǵyndarmen  kezdesti. Sapar baǵdarlamasyna saı Quryq teńiz portynda salynyp jatqan nysandarda da boldy.