Komıtet tóraǵasynyń kezdesýleri

Parlament Senatynyń depýtaty, Áleýmettik-mádenı damý jáne ǵylym komıtetiniń tóraǵasy Aqan Bıjanov Almaty qalasyndaǵy birqatar eńbek ujymdarymen kezdesti, dep habarlady Parlament Senatynyń baspasóz qyzmeti. Senator qaladaǵy sala boıynsha kóshbasshy bolyp tabylatyn «AlES», «BankSentrKredıt» aksıonerlik qoǵamdarynda, «Qaz­legprom-Almaty», «Global Building Contract», «Atrıks-Stroı», «ALACARDPetroltech», «Erke-Nur» meke­melerinde boldy. Senat komıtetiniń tóraǵasy kezdesýlerde bes ınstıtýttyq reformany júzege asyrýdaǵy «100 naqty qadam» – Ult Josparyn oryndaý aıasynda Parlamenttiń zańnamalyq qyzmeti jóninde aıtyp berdi. Ujymdardaǵy kezdesýlerde respýblıkanyń jáne Almaty qalasynyń damý jaǵdaıy, onyń ishinde bilim-ǵylym, densaýlyq saqtaý salalary men agroóndiris sektoryn órkendetý máseleleri sóz boldy. Senator depýtattar korpýsy­nyń zań shyǵarý qyzmeti, aldaǵy jos­parlar, sondaı-aq, Almaty qala­synyń erekshe mártebesi jónin­degi zańnamany jańartý týra­ly áńgimeledi. Kezdesýge qaty­sýshylar turǵyndardy jumys­pen qamtý, balalar quqyn qorǵaý, ǵylym men ǵylymı-teh­nıkalyq qyzmetter nátıjelerin kom­mersııalaý týraly jáne Par­lamentte qabyldanǵan basqa da zańdarǵa nazar aýdaryp, saýal­dar qoıdy. Almaty barlyq jaǵy­nan Qazaqstannyń ekonomı­ka­lyq, ǵylymı jáne mádenı orta­lyǵy bolyp sanalady. Buǵan qala­nyń qarjy, óndiristik, ıntellek­týaldyq jáne ınfra­qu­rylymdyq áleýeti jetkilikti. Kezdesýler sońynda A.Bıjanov elimiz óz Táýelsizdiginiń 25 jyl­dyǵy qarsańynda, álemdegi daǵda­rystarǵa qaramastan, alǵa qoı­ǵan maqsattarǵa naqty qadam­dar jasa­ǵanyn, turaqtylyq pen ke­lisimdi qamtamasyz etýge, álemdegi damyǵan 30 eldiń qataryna enýge umtylyp otyrǵanyn atap kórsetti. «Elbasy Nursultan Nazar­baev­­tyń strategııalyq baǵdarynyń negizi – halyqtyń ál-aýqatyn jaq­sartý, búgingi jáne keleshektegi beı­bit ómirdi qamtamasyz etý. Qazaq­stan halqynyń birligi men áleý­met­tik ahýaldyń joǵary deńgeıi – qoǵam­dyq turaqtylyqtyń kepili, – dedi A.Bıjanov. Senator kezdesýlerde alma­tylyq­tardyń kóptegen suraq­taryna jaýap berip, pikir almasty.