Iаdrolyq qarýsyz álemge ortaq qadam

Helsınkıde Qazaqstannyń Fınlıandııa Respýblı­ka­syndaǵy elshisi Murat Nurtileýov Fınlıandııa Beıbitshilikti qorǵaý odaǵynyń tóraǵasy, halyqaralyq ıadroǵa qarsy qozǵalystyń tanymal belsendisi, burynǵy eńbek, sondaı-aq, jumyspen qamtý jáne ekonomıka mınıstri, Eýroparlamenttiń eks-depýtaty Tarıa Kronbergpen kezdesti. Suhbat barysynda elshi Qazaq­stan Prezıdenti Nursultan Nazarbaevtyń jetekshiligimen ıadro­lyq qarýsyzdaný, taratpaý jáne azamattyq atom jobalaryna teń qoljetimdilikti qamtamasyz etý úde­ri­sine Qazaqstannyń qos­qan tarıhı zor úlesine nazar aýdardy. Halyqaralyq qatynastardaǵy oqıǵalar men syn-tegeýrinder aıasynda Memleket basshysynyń BUU Bas Assambleıasynyń 70-shi sessııasy men Iаdrolyq qaýipsi­z­dik jónindegi sammıtter kótergen bastamalarynyń mańyzy men zamanaýılyǵy jáne ony júzege asyrýdyń kún tártibinen bir sát te túspeý kerektigi atap ótildi. T.Kronberg Qazaqstannyń ja­handyq qaýipsizdik pen turaq­ty­lyqty nyǵaıtýǵa baǵyttalǵan bas­tamalaryn joǵary baǵalady. «Qa­zaqstan úlken senim men qurmet­ke ıe. Ol qarýsyzdaný úderisi bary­syn ǵana emes, sonymen qatar, halyq­aralyq qatynasta ıadro­lyq arse­naldyń orny men rólin ózgertti. Álemdegi tórtinshi ıadro­lyq arsenalynan óz erkimen bas tart­qan, Semeı ıadrolyq synaq polı­gonyn jabý týraly sheshim qabyl­dap, ıadrolyq qarýdan azat Orta­lyq Azııa aımaǵyn qurý jáne basqa da kóp­tegen bas­tamalarymen shyq­qan Qa­zaqstan qandaı qurmet pen na­sı­hatqa da laıyq», – dedi T.Kronberg. Onyń pikirinshe, Qazaqstan aýmaǵynda MAGATE-niń baqy­laý­yn­daǵy Tómen baıytylǵan ýran bankin qurý álemdik qoǵam­das­tyqtyń joǵary seniminiń belgisi bolyp tabylady. Qazaqstandyq dıplomat Be­ı­bit­­shi­likti qorǵaý odaǵynyń tór­aǵa­syn Semeı ıadrolyq polıgo­ny ja­­bylýynyń 25 jyldyǵy aıa­syn­da Qazaqstanda ótetin mereı­toı­ly is-sharalarǵa qatysýǵa shaqyrdy. Jyl saıyn Beıbitshilikti qor­ǵaý odaǵy Helsınkı qala­syn­­da Japonııadaǵy ıadrolyq bom­­ba­laýdyń qurbandaryn eske alý­ǵa arnalǵan is-sharalar uıym­das­tyrady. Osy jyly Qazaq­stan el­shil­igi atalǵan odaqpen bir­­lesip, Semeı ıadrolyq polıgo­ny ja­by­lýy­nyń 25 jyldy­ǵyna arna­l­ǵan foto­kór­me uıymdas­tyr­ǵanyn aıta keteıik. Is-sharaǵa Parlament depýtattary, Helsınkıde tirkelgen shetel­dik dıplomatııalyq ókildikteriniń basshylary, jergilikti azamattyq qoǵam ókilderi qatysty. Qoǵamnyń nazaryna Semeı polıgonynyń qurylý tarıhy, synaqtardyń zardaptary men salda­ry, 1991 jyly Qazaqstan Prezı­denti N.Á.Nazarbaevtyń polıgon­dy jabýy jáne ıadrolyq synaq­tardy boldyrmaý men ıadro­lyq qarýdy taratpaý úderis­teri boıynsha elimizdiń jumsap kele jatqan kúsh-jigeri kólde­neń tartyldy. Iаdroǵa qarsy qozǵa­lysta Qazaqstannyń jetekshi róli bir­neshe ret atap ótilgen Vashıng­tondaǵy, Seýldegi jáne Gaagadaǵy Iаd­rolyq qaýipsizdik boıynsha jahandyq sammıtterden fotoreportajdar ekspozısııada erekshe oryn aldy. «Egemen-aqparat»