Depressııanyń daýasy

Amerıkalyq ǵalymdar adamdardyń jan-tánimen berilip jumys isteý arqyly kúızelisten aryla alatyndyǵyna kóz jetkizdi. Ol úshin psıhologtar arnaıy tájirıbe júrgizgen. Ǵalymdar uzaq ýaqyttan beri depressııada júrgen 120 adamdy iriktep alyp, olardyń súıikti jumystarymen shuǵyldanýyna tolyq jaǵdaı jasaǵan. Birneshe aptadan keıin 120 adamnyń 80-i ózderin jaqsy sezine bas­taǵan­daryn aıtsa, bir aıdan keıin 117 adam kúızelisten tolyq qutyl­ǵandaryn jetkizipti. – Bar oıy men kúsh-jigerin jumysqa arnaǵan adamnyń jaǵymsyz dúnıelerdi oı­laýǵa múmkindigi bolmaıdy. Jumys shyn mánisinde adam­nyń oıyn durys arnaǵa ba­ǵyttaýǵa kó­mek­tesip, depres­sııadan aryltady, – deıdi ǵa­lymdar. Olardyń aıtýynsha, jumys adamdardyń basqalarmen ara­lasýǵa degen qulshynysyn oıatyp, burynǵy jaǵymsyz oı­lar­dy jaqsy oılarmen almas­tyrýǵa yqpal etedi eken. Ási­rese, dene eńbegimen aına­ly­sý­dyń paıdasy zor. Tipti, de­ne eńbegimen aınalysatyn adamdardyń jeńil-jelpi kúı­zelisterge boı aldyrýy da qıyn kórinedi. Buryn da aıtylyp júr­gen dúnıege tájirıbe júrgi­zý arqyly tolyq kóz jetkiz­gen ǵalymdar endi jumys­tyń kómegimen basqa da psıholo­gııalyq aýrýlardy emdeýdiń jolyn qarastyrýda. Nurhan ASQAR