Álemdik motosaıahat Qazaqstan arqyly ótedi

14 tamyzda Eındhoven (Nıderland) qalasynda «Eındhoven tehnologııalyq ýnıversıtetiniń «STORM Eindhoven» ǵylymı toby qurastyrǵan elektrmotosıklderdiń álemdik saıahaty bastaldy. Motosaıahatqa qatysýshylar Eýropa, Azııa jáne Amerıka qurlyqtary 25 eliniń joldarymen 26 myń shaqyrym júrip ótýge nıettenýde. Is-sharanyń maqsaty – elektrmobıldiń ınnovasııalyq áleýetin jáne balamaly energııa tehno­lo­gııalarynyń keń qol­danylýyn kórsetý. Osy jyldyń qyrkúıeginde «STORM Eindhoven» álemdik týrnesiniń aralyq kezeńi Qazaqstan aýmaǵymen Shymkent – Taraz – Qordaı – Almaty – Jarkent – Qorǵas baǵyty arqyly ótedi. Bıylǵy jyldyń 9 qyrkúıeginde Almaty qalasyndaǵy Qazaq ekonomıkalyq ýnıversıtetinde «STORM Eindhoven» komandasy músheleriniń qatysýymen ozyq tehnologııalardyń arnaıy tusaýkeseri josparlanýda. Qazaqstannyń Nıderland Korol­digindegi elshiligi jáne «STORM Eindhoven» ǵylymı toby motosaıahat kezinde «Bolashaq ener­gııasy» uranymen ótetin balamaly energııa kózderin damy­týǵa arnalǵan EKSPO-2017 ha­lyqaralyq mamandandyrylǵan kór­mesin nasıhattaý týraly keli­simge qol jetkizdi. Eındhoven qalasynda ótken álemdik saıahat bastamasyna arnalǵan saltanatty is-sha­ra­ǵa qatysýshylarǵa «Astana-EKSPO-2017» UK» AQ-tyń logo­tıpi bar fırmalyq buıymdar jáne basqa da ımıdjdik ónimder usynyldy. «Egemen-aqparat»