Qanatqaqty joba qoldanysqa qolaıly

«Azamattarǵa arnalǵan úkimet» memlekettik korporasııasy memlekettik qyzmetterdi ońtaılandyrýdy jalǵastyrýda. Eldi mekenderde «Jer ýchaskesiniń kadastrlyq (baǵalaý) qunyn anyqtaý jáne bekitý» kompozıttik qyzmetine birden eki qyzmet: «Jer ýchaskesiniń kadastrlyq (baǵalaý) qunyn anyqtaý» jáne «Naqty jer ýchaskeleriniń kadastrlyq (baǵalaý) qunyn bekitý» qyzmetteri biriktirildi. Ońtaılandyrý nátıjesinde qyzmet kórsetý merzimderi qysqartyldy jáne halyqqa qyzmet kórsetý ortalyqtaryna eki ret barý qajettiligi joıyldy. Sondaı-aq, jergilikti atqarýshy organdarda jer ýchaskeleriniń jerge ornalastyrý jobalaryn ázirleý jáne bekitý kompozıttik qyzmetine biriktirý júzege asyryldy. Memlekettik korporasııanyń bas­qarma tóraǵasynyń orynbasary Me­det Qumarǵalıevtiń aıtýynsha, bul baǵyt­taǵy qanatqaqty joba memlekettik korporasııanyń quramynda JerǴО́O men JMO-nyń birigýi arqasynda múmkin boldy. Ol «Jobany engizgenge deıin tek kadastrlyq qundy anyqtaý jumysyn oryndaý merzimi 10 kúndi quraǵan, oǵan jergilikti atqarýshy organnyń bekitýine 3 jumys kúni qosylady. Sondaı-aq, azamattarǵa HQKO-ǵa eki ret júginýge týra keletin: aldymen qunyn anyqtaýǵa, odan keıin kadastrlyq qundy bekitýge. Endi bul qyzmet jeńildetildi – qunyn anyqtaýǵa qujat tapsyra otyryp, qyzmetti alýshy bekitilgen kadastrlyq qun aktisin alady. Qyzmet kórsetý merzimi 8 jumys kúnine deıin qysqartylǵan», dep túsindire otyryp, qanatqaqty jobany iske qosqan sátten bastap 1 454 qyzmet kórsetilgendigin atap ótti. Jer ýchaskeleriniń jerge ornalastyrý jobalaryn ázirleý jáne ony jergilikti atqarýshy organdarda bekitý kompozıttik qyzmetine biriktirýdiń qanatqaqty jobasy memlekettik qyzmet alýdy aıtarlyqtaı jeńildetti. «Buryn tutynýshyǵa jerge ornalastyrý jobasyn ázirleý úshin aldymen JerǴО́O-ǵa júginý jáne ony ázirlegennen keıin ǵana jergilikti atqarýshy organda bekitý úshin HQKO-ǵa qujat tapsyrý kerek bolatyn. Endi memlekettik korporasııanyń front-ofısine júginý jáne jerge ornalastyrý jobasyn ázirleýge qujattar tapsyrsa jetkilikti, bekitýge ol avtomatty túrde joldanady. Bul «Azamattarǵa arnalǵan úkimettiń» barlyq front-ofısterge qosylǵan «HQKO» yqpaldastyrylǵan aqparattyq júıesiniń arqasynda múmkin boldy. Qanatqaqty jobanyń qoldanylýynan bastap biz 4 myń jerge ornalastyrý jobalaryn ázirledik jáne 2 myńnan astamyn bekitýge joldadyq», dedi memlekettik korporasııa basqarma tóraǵasynyń orynbasary. Qanatqaqty joba memlekettik korpo­rasııanyń barlyq front-ofısterinde qoldanylady jáne 20 tamyzǵa deıin sozylady. Joba aıaqtalǵannan keıin Aýyl sharýashylyǵy mınıstrligine memlekettik qyzmet kórsetý standarttaryna ózgerister engizý jóninde usynystar joldanady. Biraq qazirdiń ózinde ol is júzinde ýaqytty, merzimdi, eki ret barýdy qysqartý jáne «Azamattarǵa arnalǵan úkimet» arqyly kórsetiletin memlekettik qyzmet sapasynyń jaqsarý múmkindigin kórsetti. Sondaı-aq, «Azamattarǵa arnalǵan úkimet» memlekettik korporasııasy» KE AQ dırektorlar keńesiniń otyrysynda osy jyldyń 3 maýsymynda «Jer kadastry jáne jyljymaıtyn múlikti tehnıkalyq tekserý» dıreksııasy quryldy. Jańartylǵan dıreksııanyń alǵashqy jobalarynyń biri – aldymen Astana qalasy boıynsha, ári qaraı óńirlerde qala qurylysy kadastrymen yqpaldastyra otyryp, «Jer jáne jyljymaıtyn múlik» biryńǵaı memlekettik kadastryn kurý. «Egemen-aqparat»