Qazaqstan Respýblıkasy Aýyl sharýashylyǵy mınıstrliginiń buıryǵy №211 

2015 jylǵy 13 tamyz , Astana qalasy Memlekettik orman qory ýchaskelerindegi sekseýil ekpelerinde  aǵash kesýge tyıym salý týraly «Qazaqstan Respýblıkasy Aýyl sharýashylyǵy mınıstrliginiń keıbir máseleleri» týraly Qazaqstan Respýblıkasy Úkimetiniń 2005 jylǵy 6 sáýirdegi №310 qaýlysynyń 17-tarmaǵynyń 376) tarmaqshasyna sáıkes buıyramyn: 1. Mynaǵan: 1) Qazaqstan Respýblıkasynyń memlekettik orman qory ýchaskelerindegi sekseýil ekpelerinde aǵash kesýdiń barlyq túrine 2018 jylǵy 31 jeltoqsanǵa deıin tyıym salynsyn. 2. Oblystar ákimderi zańnamada belgilengen tártippen: 1) osy buıryqtyń 1-tarmaǵyn iske asyrý jóninde qajetti sharalar qabyldasyn; 2) memlekettik orman qory ýchaskelerinde aǵash jáne buta tuqymdylaryn plantasııada ósirý boıynsha, sondaı-aq jekeshe orman ósirý úshin jeke jáne memlekettik emes zańdy tulǵalarǵa jer ýchaskelerin berý boıynsha jumys uıymdastyrsyn; 3) jyl saıyn 10 maýsymǵa jáne 10 qańtarǵa Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıtetine ormandardy aǵashtyń zańsyz kesilýinen qorǵaý jóninde qabyldanǵan sharalar jáne aǵash pen buta tuqymdylaryn plantasııada ósirý týraly aqparat berip tursyn. 3. Orman jáne erekshe qorǵalatyn tabıǵı aýmaqtar basqarmasy belgilengen tártippen: 1) osy buıryqty memlekettik tirkeýge Qazaqstan Respýblıkasy Ádilet mınıstrligine jibersin; 2) memlekettik tirkelgennen keıin on kúntizbelik kún ishinde onyń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin qamtamasyz etsin; 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin. 4. Osy buıryq alǵash resmı jarııalanǵan kúninen keıin on kúntizbelik kún ótken soń qoldanysqa engiziledi. Orman sharýashylyǵy jáne janýarlar dúnıesi komıtetiniń tóraǵasy B.AZBAEV Buıryq Qazaqstan Respýblıkasynyń Ádilet mınıstrliginde 2015 jylǵy 14 qyrkúıektegi Normatıvtik quqyqtyq kesimderdi memlekettik tirkeýdiń tizilimine №12057 bolyp engizildi.