Jıyn Memleket basshysynyń Qazaqstandy tolyqqandy sıfrlyq elge aınaldyrý boıynsha alǵa qoıǵan mindetterin júzege asyrý aıasynda uıymdastyryldy. Onda jańartylǵan Konstıtýsııada adamnyń derbes derekterin qorǵaý quqyǵy tikeleı jazylǵanyna, al Qaýipsizdik Keńesiniń sheshimderi turǵysynan kıberqaýipsizdik máseleleri strategııalyq mańyzǵa ıe bolǵanyna erekshe nazar aýdaryldy.
Salalyq mınıstrlikter, jergilikti atqarýshy organdar basshylary, UQK Memlekettik tehnıkalyq qyzmeti qatysqan kezdesý barysynda kıberqaýipsizdik salasyndaǵy júıeli is-sharalardyń júzege asyrylý barysy týraly esep usynyldy.
Negizgi ózgeristerdiń qatarynda iri derekter bazasynyń (100 myńnan astam jazba) operatorlary úshin mindetti bıometrııalyq sáıkestendirýdi engizý bar.
Kıberqaýipsizdik pen JI-di damytý: Elordada Palo Alto Networks kompanııasymen kezdesý ótti
Keńes sheńberinde memlekettik júıelerdiń qorǵalýyna erekshe kóńil bólindi. Sonymen qatar jergilikti atqarýshy organdarǵa jasalǵan aýdıt nátıjeleri erekshe nazar aýdarýdy jáne qorǵanysty kúsheıtýdi talap etetin birqatar júıeli osal tustardy anyqtady.
Keńes qorytyndysy boıynsha azamattardyń sıfrlyq servısterdi qaýipsiz paıdalaný máseleleri boıynsha habardarlyǵyn arttyrý, sondaı-aq aqparattyq júıelerdi Biryńǵaı monıtorıng júıesine qosý jumystaryn kúsheıtý tapsyryldy.
SMS-blaster men dıpfeık: Bas prokýratýra 18 jańa kıberqaýipti anyqtady
Qarjy sektory men mıkrokredıttik uıymdarda derbes derekterdi qorǵaýdy kúsheıtý qajettiligi bólek tarmaq retinde atap ótildi.
Premer-mınıstrdiń orynbasary salalyq vedomstvolarǵa barlyq tapsyrmalardyń oryndalýyna qatań baqylaý júrgizýdi tapsyryp, kıberqaýipsizdik – Qazaqstannyń sıfrlyq transformasııasynyń irgeli sharty ekenine nazar aýdartty.
