Erejege sáıkes, ár avtokólikte myna úsh negizgi qural bolýy qajet:
- órt sóndirgish;
- alǵashqy medısınalyq kómek qobdıshasy;
- apattyq toqtaý belgisi.
Bul zattardyń jaramdy kúıde bolýy da mańyzdy. Merzimi ótken nemese isten shyqqan quraldar eseptelmeıdi jáne zańbuzýshylyq retinde qarastyrylady.
Atalǵan talaptardy oryndamaǵan júrgizýshilerge ÁQBtK-niń 590-baby boıynsha jaýapkershilik qarastyrylǵan. Aıyppul kólemi – 5 AEK, ıaǵnı 2026 jyly shamamen 21 625 teńgeni quraıdy.
Medısınalyq qobdısha ishinde jaraqat kezinde alǵashqy kómek kórsetýge arnalǵan qajetti quraldar bolýy tıis. Olardyń ishinde dáke, antıseptık, qan toqtatqysh jgýt, medısınalyq plastyr jáne basqa da medısınalyq zattar bar. Qobdıshanyń ortasha jaramdylyq merzimi – 4-5 jyl. Merzimi ótken jaǵdaıda ony tolyq nemese ishinara jańartý qajet.
Jeńil kólikterde keminde 2 lıtrlik órt sóndirgish bolýy tıis. Onyń jaramdylyǵy, qysymy men plombasy mindetti túrde tekseriledi. Ortasha eseppen tehnıkalyq tekseris 1-2 jyl saıyn júrgiziledi.
О́rt sóndirgishtiń untaqty jáne hladondy túrleri keń taralǵan. Untaqtysy arzan ári ámbebap bolsa, hladondysy zamanaýı kólikter úshin qaýipsizdeý sanalady.
Apattyq toqtaý belgisi jaryq shaǵylystyratyn, zaýyttyq úlgide bolýy tıis. Odan bólek, keı jaǵdaıda súıretkish arqan, kótergish qural jáne qosalqy dóńgelek te tekserilýi múmkin.
Oralda kóligine qaǵazdan jasalǵan jalǵan nómir taqqan júrgizýshi jaýapqa tartyldy
Buǵan qosa qysta – kúrek, muz qyrǵysh, qum, jazda – sý, qýattaǵysh qurylǵy, kúnnen qorǵaıtyn zattar,
alys jolda qosymsha janarmaı, starter-qýattaǵysh jáne qosalqy medısınalyq qobdısha alyp júrý usynylady.
Zań boıynsha kólikti tekserý tek negiz bolǵan jaǵdaıda nemese júrgizýshiniń kelisimimen júrgiziledi. Júksalǵyshty ashý – prosessýaldyq rásim, ol kýágerler nemese beınejazba arqyly rásimdelýi tıis.
