10 000 000 teńge

Danııar Eleýsinov balalardy emdeý qoryna osynsha aqsha aýdardy Rıo Olımpıadasynyń chempıony, Oral óńiriniń tól týmasy, boksshy Da­nııar Eleýsinov ákesi ári jattyqtyrýshysy Ma­rat Eleýsinovpen birge týǵan jerine kelip, el-jurt­pen qaýyshty. Osy emen-jarqyn júzde­sý­ler barysynda olardy Batys Qazaqstan obly­synyń ákimi Altaı Kól­ginov qabyldady. Kez­de­sý ústinde oblys basshysy Danııardyń bıik jetistigi kásibı sport­ta­ǵy qadamdaryn jańa­dan bastaǵan balǵyn jet­kin­shekter úshin qaıta­lanbas úlgi-ónege ekenin atap kór­setti. Aımaq basshysy óz só­zinde Oral qala­syn­da qu­rylysy aıaq­talyp kele jatqan, Jas­tar saraıynyń janynan qurylatyn boks ortalyǵyna Danııar Eleý­­­­­­sinovtiń esimin be­rý jó­ninde sheshim qa­byl­­­danǵanyn jetkizdi. «Da­nııar óziniń artynan ergen sporttaǵy daryndy ini­lerin tárbıeleý isine óz úlesin qosady degen se­nim­­demiz», – dedi budan ári A.Kólginov. Týǵan topyraǵynyń aty­nan syı retinde óńir basshysy ákeli-bala­ly Danııar men Ma­rat Eleý­sinovterdiń árqaı­sysyna 10 mıllıon ten­geniń aq­shalaı sertıfıkatyn tabys etti. Budan keıingi kezekte Olımpıada chempıony ózara qurmet pen syılastyq belgisi retinde oblys ákimine boks qol­ǵabyn syıǵa tartsa, onyń ákesi oblysqa kú­mispen kúp­telgen tumar­dy tapsyrdy. Tilek sóziniń sońynda óz eliniń tekti de márt ulany aımaq basshysy tabys etken 10 mıllıon tengeniń sertıfıkatyn óziniń kin­dik kes­ken topyraǵynda qal­dy­ra­tynyn aıtty. Ári ony sal aýrýyna tap bolǵan balalardy saýyqtyrýmen aınalysatyn «Báıterek» qoǵamdyq birlestigine tapsy­ratynyn málimdedi. Dál sol kúni 10 mıllıon teń­geniń sertıfıkaty «Báı­­terek» qoǵamdyq qo­ry­nyń tóraıymy Me­rýert Sankaevaǵa tabys etil­di. Temir QUSAIYN, «Egemen Qazaqstan» ORAL Sýretti túsirgen Aıbatyr Nurash