Makedonııanyń tolymdy tartýy

Elordadaǵy Ulttyq akademııalyq kitaphanada Makedonııa buryshy ashyldy. Bul resmı shara Makedonııanyń elimizdegi mádenı kúnderi aıasynda ótti. Kitap sóresine álemniń birneshe tilderine aýdarylǵan 135 tomdyq kórkem ádebıet pen zertteý eńbekteri qoıyl­dy. Makedonııa Respýb­lı­ka­synyń astanasy – Skopedegi Áýlıe Klıment Ohrıdskıı atyndaǵy ýnıversıtet kitap­hanasynyń tartýy eki el arasyndaǵy mádenı qa­rym-qatynasty arttyrýǵa baǵyttalyp otyr. Resmı sharaǵa Ulttyq akademııalyq kitaphana dırektory Úmithan Muńalbaeva, Makedonııa Res­­­pýblıkasynyń Qazaq­standaǵy Tótenshe jáne óki­letti elshisi Ilııa Psal­tırov, Make­donııa Res­pýblıkasy Syrt­qy is­­ter mınıstrliginiń Eýro­pa­lyq emes memleketter departamentiniń dırektory Nenad Kolev myrza qatysty. Aıta keteıik, máde­nı kúnder aıasynda Makedo­nııa­nyń «Sıntezıs» etnotoby elimizdiń eki iri qala­synda konsert qoıdy. Al­dymen 3 qyrkúıek kúni Al­maty qalasynda Jam­byl atyndaǵy Qazaq mem­lekettik fılarmonııasynda Memlekettik akademııalyq sımfonııalyq orkestrdiń súıemeldeýimen kópshilik nazaryna Makedonııanyń ulttyq óneri usynylsa, «Sıntezıs» tobynyń Mem­lekettik akademııalyq sım­fonııalyq orkestrimen bir­lesken ekinshi konserti 6 qyrkúıek kúni Qazaq ulttyq óner akademııasynda uıymdastyryldy. «Sıntezıs» etno-toby 1995 jyly makedon ulttyq folkloryn saqtaý jáne nası­hattaý maqsatynda qu­­rylǵan. Jıyrma jyldan astam ýaqyt ishinde álem­niń túkpir-túkpirin aralap, 700 konsert bergen. Atap aıt­qanda, Vengrııa, Slovenııa, Avstrııa, Italııa, Germanııa, Grekııa, Serbııa, Portýgalııa, Ispanııa, Bel­gııa, Polsha, Fransııa, Shvesııa, AQSh, Japonııa, Avstralııa sekildi elder turǵyndarynyń erekshe iltı­patyna bólengen. Alty CD albomy men Makedonııa fılarmonııasynyń orkes­trimen birigip ótkizgen kon­sertiniń DVD nusqasy ja­ryq kórgen. «Egemen-aqparat»