Máskeýde Qazaqstan Mádenıet jáne sport mınıstrligi men Reseı Federasııasy Mádenıet mınıstrliginiń arasynda 2017-2019 jyldarǵa arnalǵan mádenıet salasyndaǵy yntymaqtastyq baǵdarlamasyna qol qoıyldy. Qujatqa Qazaqstan Respýblıkasy Mádenıet jáne sport mınıstri Arystanbek Muhamedıuly men RF Mádenıet mınıstri Vladımır Medınskıı qol qoıdy.
Qol qoıylǵan baǵdarlamaǵa sáıkes, Qazaqstan jáne Reseı endi beıneleý jáne sahna óneri, kınematografııa, kitaphana, murajaı isi, sándik qolóner, kórkemóner, sırk óneri, tarıhı-mádenı mura nysandaryn saqtaý, halyq óneri salasyndaǵy yntymaqtastyqqa jaǵdaı jasaıtyn bolady. Budan basqa, eki memlekettiń mýzyka mekemeleri men konsert uıymdary oryndaýshylarmen, mýzyka ujymdarymen jáne mamandarymen almasýǵa, sonymen qatar Qazaqstan Respýblıkasy men Reseı Federasııasynyń shyǵarmashylyq odaqtary arasyndaǵy baılanystardyń keńeıe túsýine yqpal jasaıdy.
Qazaqstan jáne Reseı Mádenıet mınıstrleri aıtyp ketkendeı, ekijaqty mádenı baılanystardy damytýda mádenıet jáne óner salasyndaǵy bilim berý baǵdarlamalaryn júzege asyratyn kásibı bilim berý uıymdary jáne joǵary bilim berý uıymdarynyń arasynda baılanys ornatý erekshe oryn alady. Bul maqsatty júzege asyrý úshin taraptar joǵary bilim beretin oqý oryndarynyń oqytýshylaryna memleketterdiń teatr-oıyn-saýyq mekemeleriniń, joǵary bilim beretin oqý oryndarynyń, mádenıet pen óner, ǵylymı uıymdardyń negizinde kásibı biliktilikti arttyrý sharalary men shyǵarmashylyq taǵylymdamalar uıymdastyrylady dep kelisti.
Sonymen qatar, A.Muhamedıuly men V.Medınskıı qol qoıǵan qujat eki eldiń kitaphanalary arasynda yntymaqtastyqty damytý, murajaı isi salasynda tájirıbe almasý, Búkilálemdik murany saqtaý aıasynda jańa bastamalar, aımaqtyq baǵdarlamalar men strategııalardy ilgeriletý máselelerin qamtıdy. Osy oraıda Qazaqstan jáne Reseı Búkilálemdik mura nysandaryn basqarý men saqtaý boıynsha mamandardy kásibı daıarlaý men qaıta daıarlaý aıasynda ózara baılanysty qamtamasyz etetin bolady.
Qazaqstan Mádenıet jáne sport mınıstri reseılik áriptesterine Prezıdent týraly fılmniń kórsetilimin uıymdastyrǵandyǵy úshin alǵysyn bildirýdi de umytpady.
«Egemen-aqparat»
Sońǵy jańalyqtar
Atyraýda mektep oqýshysyn avtobýs qaǵyp ketti
Oqıǵa • Búgin, 10:53
Shymkentte ákimdikten 10 mln teńge bopsalaǵan bloger sottaldy
Oqıǵa • Búgin, 10:21
Federaldy jaza: AQSh-ta eń aýyr qylmys jasaǵandardy gazben tunshyqtyrýy múmkin
Álem • Búgin, 10:08
Soltústikte jel kúsheıip, ońtústikte kún ysıdy: 25 sáýirge arnalǵan aýa raıy boljamy
Aýa raıy • Búgin, 09:24
Búgin 1 dollardy qansha teńgege satyp alýǵa bolady?
Qarjy • Búgin, 09:04
Túrkistan oblysynda jol apatynan úsh oqýshy mert boldy
Oqıǵa • Keshe
Almatyda KITF 2026 kórmesine 6 myńnan astam adam qatysty
Týrızm • Keshe
Almatyda drıft jasaǵan júrgizýshi qamaýǵa alyndy
Oqıǵa • Keshe
Batys Qazaqstanda aýyldyq okrýg ákimderiniń oblystyq I forýmy ótti
Aımaqtar • Keshe
