Meshitte tegin dúken ashyldy

Qurban aıt óńirde este qalarlyq oqıǵalarmen atap ótildi. Qazaqstan musylmandary dinı basqarmasynyń ókil ımamy, Naýan Haziret atyndaǵy ortalyq meshittiń bas ımamy Qanat Qydyrmın jamaǵatty ulyq merekemen quttyqtaýynda jaqsylyq pen ıgiliktiń ordasyna aınalǵan Otanymyzdy gúldendirýdegi ortaq umtylys­tar­dyń artqandyǵyn atap ótti. Qutty qadamnyń órken jaıýy­na dinı qaýymdastyq ta ózindik úles qosýda. Igi mysal retinde, Kókshetaý meshitinde áleýmettik jaǵynan nashar qorǵalǵan jan­darǵa arnalǵan dúken ashylǵanyn aıtýymyzǵa bolady. Dúkenniń erek­sheligi tegin qyzmet kór­setýinde. Qalalyq áleýmettik qam­syz­dandyrý bóliminiń tizimi bo­ıynsha munda 60 otbasy tirkeýge alynǵan. Olar azyq-túlik, kıim-keshek, taǵy basqa taýarlardy jetkilikti mólsherde ala alady. Bas ımamnyń málimdeýinshe, dúken meshittiń óz qarjysy men demeýshilerdiń kómegimen jumys isteıdi. Sondaı-aq, barlyq ja­maǵat úshin dúkenniń esigi ashyq. Buǵan qosymsha, oblystyń barlyq meshitinde mereke qurmetine qurban shalynyp, as berildi. Qorǵaljyn aýdany men Bestóbe kentindegi buqaralyq sharada ulttyq sport oıyndary uıymdastyrylsa, jas shákirtter Quran oqýdan synǵa tústi.  Baqbergen AMALBEK, «Egemen Qazaqstan» Aqmola oblysy