«Qazaqstanǵa saıahat kitabynyń» tusaýkeseri

Nazarbaev ortalyǵynda  Qazaqstan Respýblıkasynyń Tuńǵysh Prezıdenti – Elbasynyń Qory jáne Green Penguin agenttigi Qazaqstan týraly edıýteıment pishiminde jaryq kórgen «Qazaqstanǵa saıahat kitaby» atty týyndyny tanystyrdy. Bul kitapty avtorlar «Meniń elim» dep atalatyn qazaqstandyq biregeılikti nyǵaıtýǵa úles qosý nıetimen Qazaqstannyń «vızıttik kartochkasy» retinde oılastyrǵan. «Qazaqstanǵa saıahat kitaby» Uly Dala elin elestetedi jáne onyń tańǵajaıyp baılyǵyn tanyp-bilýge, jańasha kózqaras­pen qaraýǵa jáne súısinýge shabyt­tan­dyrady. Saıahat kitaby­nyń pishimi erekshe – ol anyqtamalyq ta, oqýlyq ta emes jáne geografııalyq atlas ta emes. Ony tarıhı-geogra­fııa­­lyq jáne statıstıkalyq fakti­ler­­ge negizdelgen karta deýge bola­­­dy. Qazaqstanǵa saıahat kita­by bar­lyq jastaǵy adamdarǵa ar­nal­­ǵan jáne ol qazaqstandyqtar men qo­­na­q­tardy qyzyqtyratyny kúmánsiz. Bul joly avtorlar kitaptyń qazaq jáne orys tilderindegi birinshi taralymyn usynyp otyr. Jaqyn arada onyń aǵylshyn tilin­degi nusqasyn shyǵarý jumy­sy bastalady. «Jobanyń áleýeti zor jáne patrıottyq sezimdi, sondaı-aq,  elimizdiń ereksheligin jáne biregeıligin, ishki jáne syrtqy týrızmdi nasıhattaýǵa yq­pal etedi. Ýnıversıada, EKSPO sııaqty aýqymdy is-shara­lar ótkizer aldynda osyndaı joba­nyń suranysqa ıe bolýy ar­ta­dy. Ol damı bastaıdy. Biz onyń elimizdiń laıyqty «vızıttik kartoch­kasy» bolatynyna senim­dimiz» – dedi Qazaqstan Respýb­lıka­synyń Tuńǵysh Prezıdenti – Elbasy Qorynyń atqarýshy dırektory Saǵyndyq Nurahanov tusaýkeserde. Sonymen qatar, ol jobany bir jarym jyl boıy jas dızaınerler, tarıhshylar men sarapshylar, blogerler men saıahatshylar, jýrnalıster jáne Qazaqstandy biletin jáne súıetin qarapaıym yntaly adamdar jasaǵanyn da  atap ótti. «Qazaqstannyń tarıhy men tabıǵaty óte baı bolǵandyqtan, ony bir kitapqa syıǵyzý múmkin emes. Sonda da biz tepe-teńdikti saq­taı aldyq dep oılaımyn. Kitap­qa  48 dinı ǵımarat, 130 tarıhı nysan, 65 tanymal tulǵa, 64 janýar­lar álemi jáne basqa da kóp­tegen kórneki oryndar engizil­di», – dedi Green Penguin agentti­giniń dırektory Irına Tarasenko. Atalǵan jobanyń avtorlary da osal emes. Birinshisi – Tuńǵysh Prezıdent – Elbasynyń Qory bolsa, ekinshisi – 2015 jylǵy kreatıvtik reıtıng boıynsha Ortalyq Azııanyń eń úzdik Green Penguim agenttigi bolyp otyr. Raýan QAIDAR, «Egemen Qazaqstan»