Jarystar jańǵyryǵy

Velosport. Ispanııada «Výelta» kópkúndigi márege jetti. Onyń qorytyndysyn­da dat Mag­nýs Kort Nılsen – birinshi, ıtalııalyq Danıel Bennatı – ekinshi, bel­gııa­lyq Gıannı Mersman úshinshi oryn­dardy aldy. «Astana» veloshaban­dozdary sapynan eń úzdik kórsetkish kór­setken Andreı Zeıs kómbe syzy­ǵyn 32-inshi bolyp qıdy. Osy kúnderi Kanadada «Gran-prı Monreal» jarysy da bo­lyp ótti. Uzaqtyǵy 205,7 shaqyrym­ǵa sozyl­ǵan bul báıgede Rıo Olım­pıa­da­sy­nyń chempıony, belgııalyq Greg van Avermat aldyna jan salmady. «Astana» klýby músheleriniń ara­syn­daǵy eń jaqsy kórsetkishke jet­ken Tanel Kangert 21-shi oryn aldy.   Fýtbol. Qytaıda aıaqtal­ǵan «Tórteýdiń týrnırinde» Qazaqstan­nyń jasóspirimder quramasy barlyq kezdesýlerinde iri eseppen utylyp, eń sońǵy orynda qalyp qoıdy. Bas jat­tyqtyrýshy Serik Ábdýálıevtiń shákirtteri aldymen meksıkalyq qurdastarynan 0:6 bolyp tize búkse, alań ıelerine 0:3 esebimen ese jiberdi. Sońǵy oıynda bizdiń komandany Iran quramasy 5:1 etip kúırete jeńdi. Keshe sondaı-aq, Slovenııa Fýtbol assosıasııasynyń basshysy Aleksandr Cheferınniń ÝEFA prezıdenti bolyp saılanǵany bel­gili boldy. Saılaý 14 qyrkúıekte Afına qalasynda ótti. Onda 55 federasııa ókilderiniń 42-si jańa prezıdentke, 13-i onyń nıderlandtyq qarsylasy Mıhael van Pragqa daýys berdi. Voleıbol. Fılıppınniń Bınan qala­synda Azııanyń áıelder j­asaq­tary arasyndaǵy  klýbtyq chem­pıonaty kómbege jetti. Bas báıgeni fınalda Qytaıdyń «Baııa Shenchjenin» úsh partııada utqan japonnyń «NEK Red Rokets» komandasy jeńip aldy. Al úshinshi oryn úshin talasta О́skemenniń «Altaıy» Taılandtyń «Bangkok Glasynan» 2:3 esebimen utyldy. Matchtyń basynda bizdiń jerles­terimiz 2:0 etip utyp turdy. Biraq sodan keıin oıyn tizginin qoldarynan shyǵaryp aldy. Týrnırde qurlyqtyń 12 kúshti klýby kúsh synasty.   Basketbol. Irannyń astanasy – Tegeranda erler quramalary Azııa Kýbogy ekinshi kezeńiniń oıyndaryn ótkizip jatyr. Munda E tobyna túsken Qazaq­stan basketbolshylary fılıppın jigitterinen 86:98 esebi­men jeńilis tapty. Munyń aldynda olar birinshi kezeńde Ior­danııadan 71:89, Qytaıdan 85:106, ekinshi kezeńde Qytaı Taı­peıinen 77:92 esepterimen jeńilgen edi. Osy oıyndardan keıin komanda týr­nır kestesiniń eń sońǵy ornynda keledi.   Paralımpıada. Rıo-de-Janeıro­da 8 qyrkúıekte bastal­ǵan oıyndar endi 3 kúnnen keıin aıaq­talady. Osy kezge deıin qazaq­stan­dyqtar bul dodada 1 altyn, 1 kúmis medal jeńip aldy. Bul komandanyń 48-orynǵa taban tireýine múmkindik berdi. Al top basynda Qytaı (63, 51, 33), Uly­brıtanııa (34, 18, 23) jáne Ýkraına (27, 27, 24) quramalary tur.   «Egemen-aqparat» «Qazaqstanǵa