«Kerýenniń» kórkin keltirdi

«Kerýen» saýda jáne oıyn-saýyq ortalyǵynda 100-den astam qolóner sheberleriniń eńbekterin kópshilik nazaryna usynǵan «Uly Dala jármeńkesi» atty II respýblıkalyq kórme-jármeńkeniń saltanatty ashylýy boldy. Kerýen ishi kóktemgi daladaı. Kópten qalada júrip, dalany ańsaǵan jan kóktemde kógildir álemge enip, dalanyń kók maısasyn, qyzyl-jasyl gúlderin kórgende, qalaı kózderi jaınaıtyn bolsa, ortalyqqa dál osy sátte kirgen qyz-kelinshek sondaı kúı keshkendeı. Kózdiń jaýyn alatyn nebir ulttyq áshekeı buıymdar, jibekke kıizden órnek salyp tigilgen kıim túrleri, sómkeler, bas kıimder, turmystyq buıymdar deısiz be, áıteýir tolyp jatqan ásemdikten esiń ketkendeı. Halyq­tyq ónerdiń tynysynyń ashyl­ǵa­ny, ónerge betburystyń te­reń­­de­geni jáne osy arqyly adam­­dar­dyń básekeles ortada tuty­ný­shysyn taba biletindigin, jurtshylyqtyń tarapynan qyzy­ǵýshylyq pen suranys bar ekenin tanytqan jármeńke aıasynda qazaqstandyq dızaınerlerdiń jańa sán úlgilerin kórsetýi de josparlanypty. Tarazdan «Asyl Dızaın», Aqtaýdan «Tárbııa», Oraldan «Márııa hanym», Qaraǵandydan «Nurásem» syndy sán úıleriniń Almatydan «Aigul Line» kıiz sheberhanasynyń tamasha sán úlgileri jurtshylyqtyń nazaryna usynyldy. Defıleniń eń bir tosyn syıy – Parıjdegi «Grand Opera» sahnasynyń sáni bolǵan, opera óneriniń juldyzy Maıra Muhamedqyzynyń jańa qyrynan kórinýi. Bulbul qyzdyń dızaınerlik «Maira Aida» atty 1 – 12 jas aralyǵyndaǵy qyzdar úshin arnaıy jasalǵan brendine kópshilik qýana qol soqty. BUU «Damý» baǵdar­la­ma­synyń elimizdegi turaqty ókiliniń orynbasary Mýnhtýıa Altyngerel: «Osy joly jármeńkege qatysý­shy­lar­ sanynyń artyp otyr­ǵany qat­ty qýantady. Qazaq­stan­­nyń barlyq aımaq­tary­nan kel­­gen sheberler ult­tyq óner­diń kók­­jıeginiń qan­daı keń eke­nin kó­r­­setýde. Alda bolatyn EKSPO-2017 aıa­synda shetel­dik­ter­­ge óz elin tanyta túsýde sheber­­­­­l­er úle­si aıtarlyqtaı bol­­­maq­shy dep esepteımin. Jáne qo­ǵam­dyq ne­­giz­­de osy kórmeni ót­kizý­ge atsa­ly­sý­­shylardyń bar­lyǵy­na alǵys aı­ta­myn. Bul rette biz­diń BUU «Damý» baǵdarlamasy qol­óner­shi­­ler­­ge júıeli qoldaý kór­se­te­tin jańa jobany qolǵa almaq­shy», – dedi. Ashylý saltanatynda Qazaq­stan Respýblıkasy Prezı­denti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraıymynyń orynbasary Lázzat Súleımen, G-Global halyqaralyq hatshylyǵynyń basshysy Serik Nógerbekov quttyqtaý sózderin arnady. Lázzat Súleımen: «Uly dalamyzd­a qalyptasqan tereń tamyr­ly ónerimiz, ulttyq bet-beı­nemizdi saqtap, álem órke­nıetinde qazaq atty halyqtyń olja salar baı mádenı murasy bar­lyǵyn kórsetedi. Sol ónerdi búgin­de óristetip, bolashaqqa tabys­­tap otyrǵan sheberlerge bári­miz alǵys aıtsaq artyq emes», dep ǵasyr­lar qoınaýynan úzilmeı jetken asyldyń qunyna toqtalyp ótti. Jármeńkeniń endi bir qýant­qan tusy – múmkindigi shekteýli jandardyń kórmege kóptep tartylýy boldy. Múgedektikterine qaramastan, jaýhar ónerdi jurt­shylyqtyń nazaryna usynǵan sheberlerdiń qolynan shyqqan buıymdardy kórip, adam balasy peıilin salsa, qolynan kel­meıtini joq jáne ol eshqandaı qıyndyqty da elemeıdi eken-aý degen oıǵa qalasyń. Is-sharanyń uıymdastyrý­shylary Qazaqstandaǵy BUU «Damý» baǵdarlamasy, EXPO& WOMEN xalyqaralyq uıy­­­­my jáne G-global xalyq­ara­­­­lyq xatshy­lyǵy bolyp tabylady. Anar TО́LEÝHANQYZY, «Egemen Qazaqstan»