Alystan kelgen alǵys hat

Osy kúnderi Týrızm jáne sport mınıstrligine Qysqy Azııa oıyn­darynyń qonaqtary men qaty­sý­shylarynan alǵys hattar molynan túsýde. Solardyń biri jaqynda Azıa­da kezinde Astana men Almaty qalasynda saparmen bolǵan Ha­lyqaralyq olımpııalyq komıtetiniń prezıdenti Jak Roggeden keldi. Ol VII Qysqy Azıadanyń laıyqty ótkizilýimen jáne Qazaqstan sport­shylarynyń jalpy komandalyq esepte birinshi oryndy jeńip alǵa­nymen quttyqtaıdy. Sonymen birge elimizdegi sporttyq ınfraqu­ry­lym­­nyń sapasy men qazaq hal­qynyń qonaqjaılylyǵyna rızashy­lyǵyn bildiripti. Budan basqa mınıstrdiń atyna elimizdi Azıadany ótkizýimen qut­tyqtaǵan Azıada olımpııalyq keńe­siniń prezıdenti Sheıh Ahmad ál-Fahad ál-Sabaqtan alǵys hat kelip tústi. AOK basshysy Azıadanyń óz tarıhynda úlken jetistikke jetkenin, qurlyqtyń basty jarys­tary­nyń biriniń Qazaqstanda ótkizilýi bolashaqta respýblıkalyq ulttyq olımpıadalyq komıtetine tájirıbe jınap, basqa da iri jarystardy uıymdastyrýǵa septigin tıgizetinin atap aıtqan. «VII Qysqy Azııa oıyndarynyń ótkizilýi kelesi jarysty qabyldaıtyn elderge úlgi kórsetti. Qazaqstan Azıadany joǵary deńgeıde ótkizý úshin barlyq jaǵdaıdy jasady», – delingen AOK prezıdentiniń hatynda. Dastan KENJALIN.