14 Qazan, 2016

Marjandaı mozaıkalar

480 ret
kórsetildi
1 mın
oqý úshin
keramika-1Jaqynda Ulttyq mýzeıde Italııa mozaıka mektebi sheberleriniń «Frıýlı mozaıkasy» kórmesi saltanatty jaǵdaıda ashyldy. Sırek óner týyndylary usynylǵan sharany Italııanyń Qazaqstandaǵy elshiligi men Ulttyq mýzeı ujymy birlesip ótkizip otyr. Frıýlı – Italııanyń sol­tústik-shyǵysynda orna­l­as­qan jáne Alpiden Adrıa­tı­ka jaǵalaýlaryna deıingi aı­maqty alyp jatqan erekshe avtonomııalardyń biri bolyp sanalady. Al tarıhy myńdaǵan jyldarǵa ketetin mozaıka esh­qashan qoldanystan shyq­qan emes jáne de ár ǵasyrda zama­naýı úlgide keńinen paıda­lany­lyp keldi. Sırek ónerdiń bul túri arqyly sáýlet óneri aıryq­sha túrlenip, adamzat ór­ke­­nıetiniń baǵa jetpes qun­dylyǵy retinde baǵalandy. Sonymen qatar, tarıhı sáý­letke qaıtalanbas órnegimen jarqyn erekshelikter de kirgize aldy. Italııa sheberleriniń «Altyn balyqtar», «At basty teńiz balyqtary», «Aqqýlar», «Baryldaq torǵaılar», «Áýlıe otbasy», «Toqy­ma», «Qupııa», «Kóleń­keler», «Ýıkı jáne balyq­tar» syndy mozaıka týyn­dylary kóne ónerdiń ejel­den olarmen egiz ári qaı ke­zeńde de bir-birimen rýh­tas bolǵandyǵyn baı­qatady. Sharaǵa qatysýshylar altyn jáne platınamen qap­­talǵan maıolıka bu­ıym­­­daryn, sondaı-aq túr­li órnektermen bezen­dirilgen vazalar, tabaqtar, qumyralar, eki sapty grafınder, tegeshter, úlken shamdaldar, qum­ǵan­dar, qobdıshalar, barokko sa­ǵat­tary syndy alýan túrli zat­tardy tama­sha­la­dy. Barlyǵy 70-ke jýyq kera­mıka buıym­dary qoıyl­ǵan kórme qa­r­a­shanyń 28-ine deıin jalǵaspaq. Qarashash TOQSANBAI, «Egemen Qazaqstan»
Sońǵy jańalyqtar