«Eır Astana» – Ýnıversıadanyń resmı seriktesi

«Eır Astana» ulttyq áýe tasymaldaýshy 2017 jylǵy Alma­ty­daǵy 28-shi Búkilálemdik qysqy Ýnıversıadanyń uıym­das­tyrý komıtetimen yntymaqtastyq jóninde kelisim jasasty. «Eır Astana» AQ prezıdenti Pıter Foster men 2017 jylǵy Ýnıversıada dıreksııasynyń bas­shysy Naıl Nurov qol qoıǵan qujat negizinde bul qazaqstandyq áýe kompanııasy Oıyndar demeýshisi atanyp, Ýnıversıadanyń resmı seriktesi dep tanyldy. Jasalǵan kelisimge sáıkes, «Eır Astana» sportshylar men dırek­sııanyń resmı delegasııa ókilderiniń jergilikti jáne halyq­aralyq áýe reısterine edáýir jeńil­dikter jasap qana qoımaı, estafeta alaýyn Astanadan jáne 15 óńirden Almatyǵa jetkizýdi jáne dıreksııa ótkizetin is-shara­lar­dy óz kommýnıkasııa tetikteri ar­qyly nasıhattaýdy aqysyz túr­de júzege asyrmaq. «Qysqy Ýnıversıadany uıym­dastyrý isinde bizdiń de kómegimiz­diń tıetinine qýanysh­ty­myz. Eń iri sporttyq saıys­tar­dyń biri sanalatyn Ýnıver­sıa­da­nyń Almatyda ótýi Qazaqstan áleýe­tin álemge tanytýǵa, eldiń tany­­mal­dyǵy men týrıstik múm­kindiginiń artýyna yqpalyn tıgiz­bek. «Eır Astana» úshin atal­ǵan sharaǵa qoldaý kórsetý zor már­tebe», – dedi «Eır Astana» áýe kom­pa­nııa­s­ynyń prezıdenti Pıter Foster. Al Ýnıversıada dıreksııa­syny­ń basshysy Naıl Nurov «Eır Astananyń» álemdegi eń úz­dik áýe kompanııalarynyń biri eke­nin, sondyqtan Oıyndardy uıym­dastyrý komıteti úshin bul áýe kom­panııasymen yntymaqtastyq or­natý – Almatydaǵy qysqy Ýnı­ver­­­sıa­­danyń oıdaǵydaı ótýine de­­gen se­nimdi arttyra túsetinin jetkizdi. Mıra BAIBEK, «Egemen Qazaqstan» ALMATY