Brazılııa kórmede belsendilik tanytpaq

«Astana EKSPO-2017» Halyqaralyq mamandandyrylǵan kórmesiniń komıssary Rápil Joshybaev Brazılııanyń Parana shtatyndaǵy Fos-dý-Igýasýl qalasynda Brazılııa seksııasynyń komıssary Zolchır Chıapechımen kezdesip, bul memlekettiń EKSPO-2017 kórmesine qatysatyndyǵy týraly shartqa qol qoıdy. Brazılııanyń energetıka jáne taý-ken ónerkásibi mınıstrliginiń usynysymen EKSPO-2017 Halyq­aralyq mamandandyrylǵan kórmesine taza jáne jańǵyr­maly energııa óndirýde álem­degi kóshbasshylardyń biri «Itaı­pý bınasıonal» kompa­nııa­­sy qatysatyn boldy. 1973 jyly qurylǵan bul kompa­­nııa­ny Brazılııa jáne Paragvaı mem­leketteri birlesip basqara­dy. Atalmysh kompanııa eki memle­kettiń shekarasymen ótetin Para­na ózeninde salynǵan dúnıe júzin­degi eń iri «Itaıpý» gıdro­elektrstansasynyń jumysyn júrgizedi. «Itaıpý» GES-i eki eldiń ekonomıkasy men energetıkasynda orasan zor ról atqarady. Brazılııa memleketi elektr energııasyna degen suranysynyń 20 paıyzyn osy sý elektr stansasy óndiretin qýattan alatyn bolsa, Paragvaı memleketiniń elektr qýatyna degen suranysynyń 80 paıyzyn «Itaıpý» GES-i jaýyp otyr. Mamandardyń zertteýi boıynsha, bul álemdegi taza elek­tr qýatyn óndiretin eń iri stan­sa bolyp tabylady. Jumys is­teı bastaǵannan bergi merzimde atal­mysh kompanııa 2,3 mıllıard megavatt elektr energııa­syn óndirgen. Bul elektr stansa­synyń taǵy bir ereksheligi, eki mem­lekettiń ortaq sý kózin basqarý­daǵy tamasha tájirıbesin kórse­tedi. Shekaralyq ózende orasan zor elektr qýatyn óndire otyryp, eki memleket jańǵyrmaly energııalyq qýat kózderin keńeıtý maqsatynda tıimdi baǵdarlamany júzege asyryp keledi. «Astana EKSPO-2017» kórme­siniń aıasynda «Itaıpý bına­sıo­nal» kompanııasy bıo­gaz, bıoetanol óndirý jónin­degi ınnovasııalyq jobalaryn kórsete otyryp, kún energııasyn paıdalanýdaǵy ozyq tehnologııalaryn jarııa etpek. Kórmege qatysý týraly shart­qa qol qoıýmen birge, Brazı­lııa memleketi  elordadaǵy EKSPO qalashyǵyndaǵy eń iri pavı­lon­dardyń birin ıelenbek. Jylqybaı JAǴYPARULY, «Egemen Qazaqstan»