«Nurly jol» «Nur Otannyń» nazarynda

«Nur Otan» partııasy Tóraǵasynyń birinshi orynbasary Muhtar Qul-Muhammed Qaraǵandy oblysynda boldy. Sapar barysynda ol «Nurly jol» baǵdarlamasyn júzege asyrý barysymen tanysyp, ındýstrııalyq jáne agroónerkásiptik salalardyń damý qarqynyna baǵa berdi. Sonymen qatar, partııa aktıvimen, oqý oryndarynyń ujymdarymen kezdesýler ótkizdi. «Nur Otan» partııasy basym­dyq berilgen memlekettik baǵdar­lamalardyń óńirlerde júzege asý qarqyny men sapasyn árdaıym ba­qylap otyrady. Solardyń ishinde «Agrobıznes-2020» baǵdar­lamasy partııanyń jiti qadaǵa­laýynda. Bul baǵdarlama aıasynda memleket aýyl sharýashylyǵyna 3 trıllıon teńgeden astam qarjy bóldi. Atalǵan baǵdarlama arqyly aýmaǵy boıynsha Qaraǵandy obly­synda «Nátıje» sút fabrı­kasy qaıta jańǵyrtyldy. Mem­leket tarapynan berilgen 180 mıllıon teńgelik ınvestısııa kási­porynǵa shyǵaratyn ónim túrlerin 30-ǵa deıin kóbeıtip, aı saıynǵy kólemdi 1300 tonnaǵa deıin arttyrýǵa múmkindik berdi. «Nur Otan» partııasy Tóraǵa­synyń birinshi orynbasary osy jyldyń basynan bastap áleý­mettik-ekonomıkalyq damý­dyń negizgi kórsetkishterine júr­gi­zilgen monıtorıng nátıjesinde Orta­lyq Qazaqstanda oń ózgeris­ter baıqalatynyn atap ótti. Oblys jalpy aımaqtyq ónimniń ósý qarqyny boıynsha respýblıkada 4-shi orynda tur. О́nim kólemi 1 trıllıon 21 mıl­lıardtan astam teńgeni nemese 2015 jyl­dyń osy merzimimen salys­tyrǵanda 138 paıyzdy qurady. Sondaı-aq, ótken jylmen sa­lys­tyrǵanda, jez, marganes, altyn, temir jáne qorǵasyn men my­rysh kenderin óndirý de art­qan. О́ndeý ónerkásibinde shyǵa­ryla­tyn ónimniń kólemi 5,5 paıyzǵa kóbeıgen. Bul saladaǵy eńbek ónimdiligi 30 myń dollardan asyp, ótken jylǵa qaraǵanda, 4,7 paıyzǵa ósken. Bul – respýblıka boıynsha eń joǵary kórsetkish. Bıyl Qaraǵandy oblysynda egin bitik shyǵyp, óńir tarıhynda alǵash ret 1 mıllıon tonna astyq jınaldy. Muhtar Qul-Muhammed oblys­taǵy jetekshi kásiporyndardyń biri – «Imstalkon» metall qu­ryl­­­­­ǵy­lary zaýytynda boldy. «Nur Otan» partııasy Tóraǵa­sy­nyń birinshi orynbasary zaýyt ju­mys­­­shy­­larymen kezdesýinde mem­le­­­kettik ındýstrııalyq baǵ­dar­­­lama­­lar aıasynda sońǵy bes jyl­­­da óńir­de 174 mıllıard teń­ge­­niń 72 jo­­basy júzege asqa­nyn aıt­ty. So­nyń ar­qasynda 5 myń­­­nan astam jańa ju­mys orny ashyl­ǵan. Indýstrııalandyrýdyń ekinshi besjyldyǵynda 1 trıllıon 200 mıllıard teńgeniń 36 jobasyn iske qosý josparlanǵan. Bul 6,5 myńnan astam jumys ornynyń ashylýyna múmkindik beredi. – Geografııalyq turǵydan da, qar­jylyq jaǵynan da Qaraǵandy Qazaqstannyń basty ındýs­trııalyq ortalyǵy bolyp sana­lady. Solaı bolyp qala beredi de. Dál osy jerde Elbasy Nur­sultan Nazarbaev kóshbasshy re­tinde qalyptasty. Qazirgi tańda Pre­zıdenttiń udaıy qol­daýynyń ar­qasynda óńirde óndi­risti damytýdyń barlyq baǵyttary bo­ıynsha aıtarlyqtaı ósý baıqa­lady. Bul, árıne, barlyǵymyzdy qýantady, – dep atap ótti «Nur Otan» partııasy Tóraǵasynyń birin­shi orynbasary. Qaraǵandy polıtehnıkalyq kolledjinde ótken kezdesý turǵyn­dardy jumyspen qamtý máselesine arnaldy. «Nur Otan» partııasy Tóraǵa­synyń birinshi orynbasary Mem­leket basshysynyń tapsyrmasymen JOO nemese arnaýly orta oqý ornyna túse almaı qalǵan mek­tep túlekterin kásibı daıarlaý men jumysqa ornalastyrý bo­ıyn­sha aýqymdy respýblıkalyq joba qolǵa alynǵanyn habarlady. Partııa elimizdiń ár óńirindegi jaǵ­daıdy jiti zerttep, kómekke muqtaj 10 myńǵa jýyq jasty anyq­tady. «Nur Otan» olardyń bar­lyǵyna qoldaý kórsetedi, dedi ol. Atap aıtqanda, jastardy jumysshy mamandyqtary bo­ıyn­sha oqytyp, memlekettik baǵ­dar­lama­lar aıasynda turǵyzylyp jatqan nysandarǵa jiberedi. Mundaı tájirıbe burynnan bar. Máselen, qazirgi tańda Qara­ǵandyda 1200 oryndyq jańa mek­teptiń qurylysy aıaqtalyp qaldy. Osy qurylysta jumys iste­gen kóptegen jumysshy munda oblystyq jumyspen qamtý or­talyǵy arqyly kelgen. Al mektep «Nurly jol» baǵdarlamasy bo­ıynsha salyndy. Bul baǵdarlama sheńberinde Qaraǵandyda osy jyldyń ózinde quny 41 mıllıard teńge bolatyn 20 nysan qoldanysqa berilýi tıis. Muhtar Qul-Muhammed «Nurly jol» baǵdarlamasynyń tıimdiligin aıtyp: «Nurly jol» ekonomıkanyń barlyq salasyna mýltıplıkatıvti áser beredi. Birinshiden, elimizde ınfraqurylym jańǵyrtylady. Ekinshiden, otandyq kompanııalar turaqty túrde tapsyrystar alady. Úshinshiden, kásibı-tehnıkalyq bilim beretin mekemelerdi yntalandyryp, sol oqý oryndaryn bitirgen túlekterdiń qyzyǵýshylyǵyn oıatady jáne jańa jumys oryndary ashylady. Osylaısha, aýqymdy prezıdenttik baǵdarlamanyń ıgiligin árbir qazaqstandyq kóretin bolady», dedi. «Nur Otan» partııasy Tór­a­ǵa­synyń birinshi orynbasary «Nur­­ly jol» baǵdarlamasynyń oryn­­dalý barysy quzyrly qyz­met­ter men vedomstvolardy jumyl­dyrý arqyly kún saıyn baqy­laýǵa alynýy qajet eke­nin atap ótti. Muhtar Qul-Mu­ham­med partııanyń oblystyq fı­lıa­­lyna osy baǵyttaǵy jumys­­tardy kúsheıtýdi, sondaı-aq, par­tııa fraksııalary men barlyq deńgeıdegi máslıhattar janyn­daǵy qarjyny jumsaýdy baqylaý jónindegi komıssııa jumysynyń tıimdiligin arttyrýdy tapsyrdy. Oblys aktıvimen kezdesý barysynda «Nur Otan» partııasy Tóraǵasynyń birinshi orynbasary Qaraǵandy óńiriniń respýb­lıkamyz boıynsha aıryqsha mańyz­dylyǵyn atap ótip, aldaǵy ýaqyt­ta atqarylar negizgi jumys­tarǵa nazar aýdardy. Muhtar Qul-Muhammed sa­pa­ry­nyń sońynda E.Bóketov atyn­daǵy Qaraǵandy memlekettik ýnı­ver­­sıtetinde boldy. Ýnıversı­tet­tiń professorlyq-oqytý­shylar quramymen, stýdent­terimen kezdesý Qazaqstan Táýel­sizdiginiń 25 jyldyq mereıtoıyna arnaldy. Qaırat ÁBILDINOV, «Egemen Qazaqstan» QARAǴANDY