Astananyń qalta urylary kóbine "Kerýen" men "Han Shatyrdy" torýyldaıdy

«Esil» aýdanynyń prokýratýrasy elordanyń sol jaǵalaýyndaǵy saýda, oıyn-saýyq ortalyqtarynda bıylǵy jyldyń 8 aıynda jasalǵan urlyqtarǵa saraptama jasady, dep habarlaıdy vedomstvonyń baspasóz qyzmeti. Aıta keteıik, «Esil» aýdanynyń aýmaǵynda 5 iri saýda, oıyn-saýyq ortalyǵy ornalasqan. Olar: «Han Shatyr», «Azııa park», «Kerýen», «Mega Astana», «Saryarqa». Adamdar óte kóp baratyn mundaı oryndar qylmystyq qoǵamdastyq ókilderi úshin ońaı olja bolyp tabylady. Osy 5 ortalyqta bıylǵy jyldyń 8 aıynda 320 qylmys jasalǵan (2015 jyly - 411). Olardyń arasynda «Han Shatyr» SOO-da 137 (2015j -147), olardyń 32-si aıaqtalǵan. «Mega» SSO -da 52 urlyq jasalǵan (2015 j 71) onyń 8-i aıaqtalǵan. «Saryarqa» - 24 urlyq (2015j -23) onyń 3-ýi aıaqtalǵan, «Azııa park» - 37 urlyq (2015j - 34) onyń 4-ýi aıaqtalǵan. «Kerýen» SOO-da 70 urlyq jasaldy (2015 j -109) onyń 4-ýi aıaqtaldy. Tizimde qalta urylary eń kóp júretin oryn - «Han Shatyr» men «Kerýen» ekendigin kórýge bolady. Onyń sebebin prokýratýra ókilderi ortalyqtarǵa adamdardyń óte kóp kelýimen baılanystyrady.