BUU-nyń jańa Bas hatshysy bekitildi

BUU Bas Assambleıasy Portýgalııanyń buryńǵy premer-mınıstri Antonıý Gýtterıshti 2017 jyldyń 1 qańtarynan bastap atalmysh uıymnyń Bas hatshysy laýazymyna bekitti, dep habarlaıdy  Reuters agenttigine silteme jasap "Egemen aqparat". Jańa Bas hatshy ekinshi merzimge qaıta usynylý quqyǵymen 5 jylǵa saılandy. BUU basshysyn tańdaý prosesi shilde aıynyń sońynda bastaldy. Áýelde atalmysh laýazymǵa 13 adam baq talastyrdy, onyń jeteýi - áıelder. Jabyq túrdegi daýys berýdiń barlyǵy 7 kezeńi ótti. Olardyń barysynda Gýtterısh jalǵyz úmitker bolyp qaldy. 67 jastaǵy Gýtterısh bul qyzmette Birikken Ulttar Uıymyn qatarynan eki merzim basqaryp kelgen 72 jastaǵy Pan Gı Mýndy almastyrady. Antonıo Gýtterısh 1949 jyly Lıssabonda dúnıege keldi. Ol Portýgalııa úkimetin 1995-2002 jyldar aralyǵynda basqardy. 2005-2016 jyldar kezeńinde Gýtterısh BUU-nyń bosqyndar jónindegi joǵarǵy komıssary qyzmetin atqardy.