Astana kósheleriniń ataýlary qalaı ózgerýi múmkin?

Astanada birneshe kósheniń ataýy ózgertilýi múmkin,- dep habarlaıdy "Egemen-aqparat" tengrinews.kz saıtyna  silteme jasap. Astana qalasynyń Almaty aýdanynda ornalasqan № 23-17 kóshege Buhar Jyraý esimin berý usynyldy. Bul usynys Qaraǵandy oblysynyń turǵynynan kelgen. Bolashaqta "Esil" dep atalatyn aýdanda 14 kóshege ataý berilýi múmkin, olardyń ishinde: № 210 - Nııaz bı kóshesi, № 211 - Nurpeıis Baıǵanın kóshesi, № 212 - Kenen Ázirbaev kóshesi,  № 250 - Qaıym Muhamedhanov kóshesi, № 350 - Belgrad kóshesi, № 486 - Orynbor kóshesi (Orynbor dańǵylyn Máńgilik el dep ataý usynylǵan bolatyn),  № 488 - Hýseın ben Talal kóshesi, № 573 - Sultanbek Qojanuly kóshesi, № 574 - Janaıdar batyr kóshesi, № 584 - Sáken Júnisov kóshesi, № 604 - Sattar Erýbaev kóshesi. Al № 581 kósheni Taldykól dep ataý týraly usynys Astana qalasynyń turǵynynan kelgen. Qazaqstandaǵy Tatarstan memleketiniń ókilderi  № 602 kóshege Súıimbek ataýyn berýdi usynyp otyr. № 652 kósheni Slovakııa astanasy - Bratıslavaǵa ózgertýi múmkin. Sonymen qatar, "Almaty" aýdanyndaǵy myna kóshelerdiń atyn ózgertý usynyldy: Jambyl Jabaev kóshesin (40-stansııa) Baımuhamet Qosshyǵulovqa; Ivan Panfılov kóshesin Rabıǵa Esimjanova kóshesine; Beıimbet Maılın men № 193 kóshelerdi biriktirip, Beıimbet Maılın kóshesin berý. "Esil" aýdanyndaǵy myna kóshelerdiń ataýyn ózgertý usynyldy: Orynbor dańǵylyn Máńgilik el kóshesine; Hýseın ben Talal kóshesin Uly dala kóshesine, 70 let Oktıabrıa kóshesin Temirbek Júrgenov kóshesine, № 36 jáne Eńbekshiler kóshesin biriktirip, oǵan Álıhan Bókeıhanovtyń esimin berý. "Saryarqa" aýdanyndaǵy eki kósheniń ataýy ózgertilýi múmkin - Álıhan Bókeıhanov kóshesi Ázirbaıjan Mámbetovke jáne Taras Shevchenko kóshesine Ábdiǵappar hannyń esimi. Eske salaıyq, keshe Astana qalalyq máslıhatta "Astana qalasynyń keıbir kóshelerine ataý berý jáne qaıta ataý" týraly otyrys ótken bolatyn. Onda Orynbor dańǵylyǵyn Máńgilik el dep aýystyrý usynyldy. Orynbor dańǵylynyń ataýy ózgerýi múmkin. Sizder Orynbordyń bizdiń birinshi astanamyz ekenin bilesizder. Biraq bul Orynbor kóshesi múlde alynyp tastalady degen sóz emes, ol ataý basqa kóshege beriledi. Elorda turǵyndary bul usynysty qoldap otyr. (…). Dańǵyldyń ataýy Máńgilik el dep ózgertilýi múmkin", - dedi Astana qalalyq Tilderdi damytý basqarmasynyń basshysy.