Alakólge bekire balyǵy jiberildi

Balyqtar Alakólden ózge Maıqankólge jáne Kólbaıdyń janyndaǵy kólge de jiberildi. Jalpy Atyraýdan Alakólge bekireniń 70 danasy jetkizilgen. Jáne shabaqtary da bar. Qazir «Olja» sharýa qojalyǵynyń jetekshisi Tileýbek Altybaev kól sýyna shabaqtardy  aldymen beıimdeý jumystaryn júrgizilip jatyr. Biraz ósken soń, kelesi jyldyń kúzine qaraı  Alakól kóline jiberilmek. Osylaısha, bekire balyǵyn tabıǵı jolmen kóbeıtý kózdelgen. Ázirge bul baǵaly balyq túrin ósirý isi  tájirıbe júzinde qolǵa alynyp otyr. Aıta keteıik, shabaqtardy Atyraýdan Alakólge belgili mesenat Baýyrjan Ospanov arnaıy aldyrtypty.  Jalpy, Alakól aýdanyndaǵy Qamysqala aýyly turǵyndarynyń negizgi kásibi - balyq sharýashylyǵy. Olardyń kásipteri  ásirese, shomylý maýsymynda jandana túsedi. Demalýshylarǵa balyqtardyń túr-túrin usynatyn da osy jergilikti halyq. Al balyqshy  Tileýbek Altybaev Alakólde baǵaly bekire tuqymymen birge, tuqy, sazan jáne dóńmańdaı sekildi balyqtardy da kóbeıtpek nıette. О́ıtkeni, sońǵy jyldary ǵalymdardyń pikirinshe, kóldegi balyq sany birshama azaıyp ketken. Buǵan brokonerlik qana emes, tabıǵı jaǵdaılar da sebep. Eger jer berilse, kólshikter qazyp, sonda baǵaly sý marjandaryn kóbeıtpekshi. Bul rette, sharýanyń ınkýbasııalyq sehy da jumys istep tur.