Bas báıge – brendti avtokólik

Ortalyq kommýnıkasııalar qyzmetinde jýr­nalıster arasynda ótkizilip jatqan ult­tyq «Samǵaý» baıqaýynyń aralyq qory­tyn­dysyna arnalǵan baspasóz jıyny ótti.­ Sharaǵa Bas redaktorlar klýbynyń prezıdenti Bıbigúl Jeksenbaı, baıqaýdyń bas demeýshisi «AllurAuto Astana» avtokompanııasy dılerlik ortalyǵynyń atqarýshy dırektory Shyńǵys Seı­sembınov, «Halyq markasy» qazaqstandyq taýarlar men qyzmetterdiń sapasyn baqylaý júıesi federa­sııasynyń prezıdenti Rımma Tájibaeva qatysty. Jıyn barysynda Bıbigúl Jeksenbaı baıqaýǵa 74 jumys túskenin baıandady. Bul jumystardy belgili qoǵam qaıratkerlerinen turatyn arnaıy komıssııa baǵalaıtynyn jetkizdi. Al «Halyq markasy» federasııasynyń prezıdenti Rımma Tájibaeva baıqaý qorytyndysy boıynsha eń úzdik 16 aımaq jýrnalısterine dúnıejúziniń 12 eline joldama berý josparlanyp otyrǵanyn málimdedi. Iаǵnı, Reseı, Grýzııa, Armenııa, Ázerbaıjan, Ýkraına, Taıland, Egıpet, Qytaı, Túrkııa, BAÁ, Úndistan memleketterine 2017 jyldyń aqpan men mamyr aıy aralyǵynda saýda-sattyq mıssııasymen jol júretin taýaróndirýshiler qataryna jýrnalıster de kiretinin jetkizdi. R.Tájibaevanyń aıtýynsha, saýda-sattyq mıssııasy EKSPO-2017 kórmesin nasıhattaýǵa baǵyttalǵan shara. Aıta keteıik, bıylǵy «Samǵaý» baıqaýy el Táýelsizdiginiń 25 jyldyǵyna oraı 25 tamyz ben 10 jeltoqsan aralyǵynda ótkizilýde. Baıqaý qorytyndysy jeltoqsan aıynda jarııalanady. Júlde qory – jeti atalym boıynsha 10 mıllıon teńge. Sonyń ishinde bas júlde – «Halyq markasy» belgisin alǵan, áıgili brend Jac S3 avtokóligi. Aıgúl SEIILOVA, «Egemen Qazaqstan»