«Egemen Qazaqstan» RG» AQ «Táýelsizdik – 25» logotıpimen beriletin «Táýelsizdik: tulǵa, taǵylym, taǵdyr» aıdarymen maqalalarǵa konkýrs jarııalaıdy. Maqalalarda shırek ǵasyr ishinde Qazaqstan Prezıdenti N.Nazarbaevtyń basshylyǵymen elimizde júzege asqan naqty jobalar jemisi, osy jyldar ishindegi ózgeristerdiń aımaqqa, aýylǵa, ujymǵa, jeke tulǵaǵa tıgizgen áseri ashyp kórsetiledi. Táýelsizdik tusynda dúnıege kelgen óndiristik mádenı, rýhanı, áleýmettik iri jobalar jaıly sóz qozǵalady, fotosýretter beriledi. Elimizdiń ózindik erekshelikterin, shırek ǵasyr ishindegi ózgeristerin ashyp kórsetetin qarapaıym adam taǵdyry týraly sóz qozǵalady.
Konkýrstyń júlde qory – 700 myń teńge.
Baıqaý qorytyndysy qarasha aıynyń sońǵy aptasynda shyǵarylyp, jeńimpazdar Astanada marapattalady.
«Egemen Qazaqstan» respýblıkalyq gazeti redaksııasynyń Qazaqstan Respýblıkasy Táýelsizdiginiń
25 jyldyǵyna arnalǵan «Táýelsizdik: tulǵa, taǵylym, taǵdyr» baıqaýynyń
EREJESI
1.1. Baıqaýdy uıymdastyrýshy «Egemen Qazaqstan» RG» AQ (budan ári – Uıymdastyrýshy). Ornalasqan mekenjaıy: Astana qalasy, 010000, «Egemen Qazaqstan» gazeti kóshesi 5/13. 1.2. Qazaqstan Respýblıkasy Táýelsizdiginiń 25 jyldyǵyna arnalǵan baıqaýǵa barlyq úmitkerler qatysa alady. 1.3. Ár qatysýshy maqalalarynda shırek ǵasyr ishinde Qazaqstan Prezıdenti N.Nazarbaevtyń basshylyǵymen elimizde júzege asqan naqty jobalar jemisi, osy jyldar ishindegi ózgeristerdiń aımaqqa, aýylǵa, ujymǵa, jeke tulǵaǵa tıgizgen áserin ashyp kórsetedi. Táýelsizdik tusynda dúnıege kelgen óndiristik mádenı, rýhanı, áleýmettik iri jobalar jaıly sóz qozǵalady, fotosýretter beriledi. 1.4. Jumystar 2016 jylǵy 1 qyrkúıekten bastap, qarashanyń 15-ine deıin qabyldanady. 1.5. Baıqaýǵa usynylǵan materıaldar bir bet parametri 2 sm-dan bolyp, 14 shrıftimen, 1,5 keglmen jazylyp, 350 joldan aspaýy tıis. Sapaly sýretter qosa jiberilse basymdyq beriledi. 1.6. Maqala men sýretterdi Info@egemen.kz elektrondy poshtasyna «Baıqaýǵa» degen hat taqyrybynyń nusqaýymen jiberý kerek. Hatta avtordyń aty-jóni, týǵan jyly, kásibi jáne baılanys nómirleri kórsetilýi kerek. Qatysýshy men Uıymdastyrýshynyń quqyqtary men mindetteri: 2.1. Qatysýshy baıqaýǵa usynylǵan materıaldyń avtory ózi ekendigine, eshkimniń avtorlyq quqyǵyn buzbaıtyndyǵyna jáne jiberilip otyrǵan materıal men sýretterdiń buǵan deıin basqa BAQ betterinde jarııalanbaǵandyǵyna kepildik beredi. 2.2. Uıymdastyrýshy baıqaýǵa usynylǵan materıaldardy tómendegi jaǵdaıda jarııalamaýǵa quqyly: – maqala atalǵan taqyrypqa saı bolmaǵan jaǵdaıda; – avtordyń tolyq aty-jón derekteri naqty berilmeı laqap atpen berilgen jaǵdaıda; Baıqaý qorytyndysy 3.1. Baıqaý jeńimpazyn qazylar alqasy anyqtaıdy. 3.2. Baıqaý jeńimpazdary tómendegi mólsherde aqshalaı júldege ıe bolady: 1-shi oryn ıesine – 300 000 (úsh júz myń) teńge; 2-shi oryn ıesine – 200 000 (eki júz myń) teńge; 3-shi oryn 2 adamǵa beriledi (árqaısysyna 100 000 teńgeden).
