Nazarbaev Saýd Arabııasymen ekonomıkalyq yntymaqtastyq perspektıvalaryn atady

QR Prezıdenti Nursultan Nazarbaev Saýd Arabııasyna resmı sapary aıasynda atalǵan eldiń  iskerlik orta basshylarymen kezdesti, dep habarlaıdy egemen.kz QazAqparatqa silteme jasap. Kezdesýge álemdik deńgeıde jumys isteıtin iri saýdııalyq kompanııalardyń basshylary qatysty. Memleket basshysy Saýd Arabııasy Koroldigi Qazaqstannyń Taıaý Shyǵystaǵy negizgi seriktesteriniń biri sanalatyndyǵyn basa aıtty. «Búgingi kúni bizdiń elderimiz arasyndaǵy taýar aınalymy kólemin eseleı túsýge zor múmkinshilik bar. 2015 jyldyń qorytyndysynda Qazaqstan men Saýd Arabııasy arasyndaǵy taýar aınalymynyń kólemi 16,3 mln. dollardy qurady. Búgingi kúni Qazaqstanda Saýdııa tarapynyń qatysýymen 17 kásiporyn jumys isteıdi», - dedi Nursultan Nazarbaev. Sonymen qatar Qazaqstan Prezıdenti eki eldiń arasynda ekonomıkalyq ózara qarym-qatynastyń perspektıvaly baǵyttaryn da atap ótti. «Bul - taý-ken metallýrgııa óndirisi, munaı hımııasy, aýyl sharýashylyǵy, qarjy jáne ıslamdyq bankıng, atom óndirisi jáne basqa da salalar», - dedi Nazarbaev.