8 jasar almatylyq Aısha Zákirova shahmattan álem chempıony atandy
Grýzııanyń Batýmı qalasynda 8, 10, 12 jastaǵy balalar arasynda shahmattan ótken álem birinshiliginde 8 jasar qazaqstandyq Aısha Zákirova álem chempıony atandy.
Týrnırge 66 memleketten 728 jas shahmatshy kelgen. Jarys shveısarııalyq júıe boıynsha 11 týrdan turdy.
Jeńimpaz atanǵan Aısha 6 jasynan bastap shahmat oınap keledi. Ol – Almatydaǵy Halyqaralyq kásibı shahmat mektebiniń úzdik shákirtteriniń biri. Sońǵy jyldary Shákeı jáne Káýsar Baýyrjan sekildi jattyqtyrýshylardyń tálimin alǵan. Shákirtiniń jarqyn jeńisimen bólisken Káýsar óz sózinde jarysqa tyńǵylyqty daıyndalǵandyqtaryn aıtty.
– Biz óte baqyttymyz. Aıshany bir jylǵa jýyq jattyqtyrdym. Qazir onyń resmı jattyqtyrýshysy meniń ákem. Biz shahmatty basynan bastap, eki júrispen mat qoıýǵa deıin úırettik. Ol ózine senimdi shahmatshy bolyp qalyptasyp keledi. Biz onyń jeńimpaz atanýyn qatty qaladyq, ishteı oǵan sendik.
Qazaqstan shahmat federasııasynyń prezıdenti Ǵalymjan Esenovtyń aıtýynsha, Aıshanyń jeńisi – sharshamaı eńbektenip, oqyp, jattyǵyp, kez kelgen maqsatty júzege asyrýǵa bolatyndyǵynyń aıqyn dáleli. Álem chempıony bolý tek shahmatshylardyń jeke jáne jattyqtyrýshylar men ata-ana eńbeginiń moıyndalýy ǵana emes, bul óz elińniń aldyndaǵy zor maqtanysh pen úlken jaýapkershilik.
Jarysta Aıshaǵa mońǵolııalyq sportshy Ýnýrzýl Davaakhýý tegeýrindi qarsylyq kórsetken. Týrnır barysynda eki shahmatshy da birdeı 9 upaı jınaǵandyqtan, jeńimpaz jeke kezdesýde anyqtalǵan.
Aısha qatysqan alǵashqy mańyzdy týrnır Azııa chempıonaty aıasynda Ońtústik Koreıada ótken. Onda ol halyqaralyq jarystardaǵy tájirıbeniń jetispeýinen kózge túse almady. Endi mine kelesi synda birden chempıondyq ataqqa ıe boldy. Bul 8 jasar almatylyq shahmatshynyń asa daryndylyǵynan habar berse kerek.
Osydan eki kún buryn qazir Reseı atynan jarystarǵa qatysyp júrgen Bıbisara Asaýbaevanyń 12 jasqa deıingiler arasynda álem chempıony atanǵany týraly da habar kelgen edi.
Melis SEIDAHMETOV
ALMATY
8 jasar almatylyq Aısha Zákirova shahmattan álem chempıony atandy
Grýzııanyń Batýmı qalasynda 8, 10, 12 jastaǵy balalar arasynda shahmattan ótken álem birinshiliginde 8 jasar qazaqstandyq Aısha Zákirova álem chempıony atandy.
Týrnırge 66 memleketten 728 jas shahmatshy kelgen. Jarys shveısarııalyq júıe boıynsha 11 týrdan turdy.
Jeńimpaz atanǵan Aısha 6 jasynan bastap shahmat oınap keledi. Ol – Almatydaǵy Halyqaralyq kásibı shahmat mektebiniń úzdik shákirtteriniń biri. Sońǵy jyldary Shákeı jáne Káýsar Baýyrjan sekildi jattyqtyrýshylardyń tálimin alǵan. Shákirtiniń jarqyn jeńisimen bólisken Káýsar óz sózinde jarysqa tyńǵylyqty daıyndalǵandyqtaryn aıtty.
– Biz óte baqyttymyz. Aıshany bir jylǵa jýyq jattyqtyrdym. Qazir onyń resmı jattyqtyrýshysy meniń ákem. Biz shahmatty basynan bastap, eki júrispen mat qoıýǵa deıin úırettik. Ol ózine senimdi shahmatshy bolyp qalyptasyp keledi. Biz onyń jeńimpaz atanýyn qatty qaladyq, ishteı oǵan sendik.
Qazaqstan shahmat federasııasynyń prezıdenti Ǵalymjan Esenovtyń aıtýynsha, Aıshanyń jeńisi – sharshamaı eńbektenip, oqyp, jattyǵyp, kez kelgen maqsatty júzege asyrýǵa bolatyndyǵynyń aıqyn dáleli. Álem chempıony bolý tek shahmatshylardyń jeke jáne jattyqtyrýshylar men ata-ana eńbeginiń moıyndalýy ǵana emes, bul óz elińniń aldyndaǵy zor maqtanysh pen úlken jaýapkershilik.
Jarysta Aıshaǵa mońǵolııalyq sportshy Ýnýrzýl Davaakhýý tegeýrindi qarsylyq kórsetken. Týrnır barysynda eki shahmatshy da birdeı 9 upaı jınaǵandyqtan, jeńimpaz jeke kezdesýde anyqtalǵan.
Aısha qatysqan alǵashqy mańyzdy týrnır Azııa chempıonaty aıasynda Ońtústik Koreıada ótken. Onda ol halyqaralyq jarystardaǵy tájirıbeniń jetispeýinen kózge túse almady. Endi mine kelesi synda birden chempıondyq ataqqa ıe boldy. Bul 8 jasar almatylyq shahmatshynyń asa daryndylyǵynan habar berse kerek.
Osydan eki kún buryn qazir Reseı atynan jarystarǵa qatysyp júrgen Bıbisara Asaýbaevanyń 12 jasqa deıingiler arasynda álem chempıony atanǵany týraly da habar kelgen edi.
Melis SEIDAHMETOV
ALMATY
Sońǵy jańalyqtar
Asa iri kólemde alaıaqtyq jasaǵan Qazaqstan azamaty Túrkııadan ekstradısııalandy
Qazaqstan • Búgin, 10:40
Shymkent farmasevtıkasyna 39,5 mlrd teńge ınvestısııa quıylady
Investısııa • Búgin, 10:32
Sıfrlyq transformasııa kitaphanalardy qalaı ózgertip jatyr?
Ádebıet • Búgin, 10:20
«Short-trektiń Marko Roısy men shyǵarmyn...»: Abzal Ájiǵalıev jankúıerlerine alǵys aıtty
Qysqy sport • Búgin, 10:12
Jerasty sý qory: El aýmaǵynda 700-den astam bulaq anyqtaldy
Qoǵam • Búgin, 09:49
Elimizdiń qaı óńirlerinde joldar jabyq tur?
Aýa raıy • Búgin, 09:25
Birqatar oblysta aýa raıyna baılanysty eskertý jarııalandy
Aýa raıy • Búgin, 09:16
Búgin 1 dollardy qansha teńgege satyp alýǵa bolady?
Qarjy • Búgin, 09:10
