Nesıe aldym, nesine aldym?

Keı kezderi «bank» degenniń «tank» sııaqty elesteıtini bar. Qu­jat toltyryp, qol qoıyp, nesıe­ge qarjy aldyń ba, bank sol aqshany qaıtarǵansha tóbeń­nen tónip, taptap kete jaz­daı­dy. Sodan ba, bankterden nesıe alǵandardyń «jyry» esh taýsyl­ǵan emes. Árıne, «Qaryzdy qaı­tara almaıtyn bolsa, nesıeni ne­sine alady?» dep, bank jaǵalaǵan jurt­ty da jazǵyrýǵa bolmaıdy. Nesıe­ge aqsha alýdy bilgenmen, osy saladaǵy jeńildikterdi, kómekterdi qarapaıym halyq áli de jaqsy túsinbeıdi. Mine, osyǵan oraı jaqynda «Nur Otan» partııasy Jambyl oblystyq fılıaly ǵımaratynda kóshpeli qoǵamdyq qabyldaý ótip, turǵyn úı jáne ıpotekalyq zaım máseleleri boıynsha júgingen azamattardyń ótinish-tilekteri tyńdaldy. Partııa respýblıkalyq qo­ǵam­dyq qabyldaý bólmesiniń meń­gerýshisi Jumajan Júkenov, partııanyń Jambyl oblystyq fılıaly tóraǵasynyń birinshi orynbasary Masat Berik jáne Qazaqstan Respýblıkasy bank-ombýdsmeni Erserik Sıyrbaev, Ulttyq bank pen barlyq ekinshi deńgeıli bank fılıaldary basshylary men ókilderi qatysqan jıynǵa shaǵymdanyp kelgen azamattardyń qarasy kóp boldy. Naqtyraq aıtsaq, bul kúni partııanyń oblystyq fılıalyna otyzdan asa turǵyn kelipti. Olardyń barlyǵy derlik turǵyn úı men ıpotekaǵa baılanysty shaǵymyn aıta kelgen azamattar. Kelýshilerge ótken jyldyń 24 sáýiri­nde Ulttyq bank bekitken «Ipo­teka­lyq tur­ǵyn úı qaryzdaryn, ıpoteka­lyq qaryzdardy qaıta qarjy­lan­dyrý» baǵ­dar­lamasyn iske asyrý barysy, tártibi men sharttary túsindirilip, olarǵa ekinshi deń­geıli bank ókilderi keńes berdi. Atalǵan baǵdarlama turǵyn úı úshin kóp somada qaryz al­ǵan azamattardyń bereshegin óteý talap­tar­yn jeńildetýge ba­­ǵyttalǵan. Ál­bette, birinshi kezekte halyqtyń áleý­mettik osal top­­­taryna birinshi kezekti qol­daý kór­setiletin bolady deıdi mamandar. Baǵ­dar­lamaǵa saı azamattar qaryzdaryn osy jyldyń 31 jeltoqsanyna deıin qaıta qarjylandyrýǵa múmkindikteri bar eken. Qabyldaý kezinde sóz al­ǵan  «Nur Otan» partııasy respýb­lıkalyq qoǵamdyq qabyl­daý bólmesiniń meńgerýshisi Jumajan Júkenov uıymnyń memleket saıasatyn júzege asyrýda abyroımen atqaryp kele jat­qan jumystarymen jáne alǵa qoıǵan maqsat­tarymen bólisip, jetken je­tis­tikterdi baıandap ótti. Ol 2016 jyldyń 8 aıynda partııa qoǵamdyq qabyldaý bólmelerine barlyǵy 138 865 azamat túrli ótinishpen kelse, onyń 1576-sy ıpotekalyq nesıe máselesine qatysty bolǵanyn aıtty. Sol ótinishtiń 128-i Jambyl oblysyna tıesili eken. Oralhan DÁÝIT, «Egemen Qazaqstan» Jambyl oblysy