Jemqorlyqpen kúreske árbir adam múddeli bolýy tıis

Almatyda qala ákimi Baýyrjan Baıbek pen Memlekettik qyzmet  isteri  jáne  sybaılas jemqorlyqqa  qarsy  is-qımyl  agenttigi tóraǵasynyń orynbasary Alık Shpekbaevtyń, «Nur Otan» partııasy ókilderiniń qatysýymen jemqorlyqqa baılanysty jıyn ótti. Shara barysynda A.Shpekbaev eli­mizdegi jemqorlyqqa qatys­ty quqyq buzýshylyqtyń kórset­kishterin jarııa etti. Jáne buǵan qosa, keıbir ke­der­gilerge qara­mastan, Qazaqstanda osy baǵytta júrip jatqan tıim­di sharalardyń nátıjesinde ilge­ri­leýler bar ekendigin de atady. «Jemqorlyq tek memleketti ǵana emes, jalpy qoǵamdy tolǵandyrady, bul – elimiz úshin úlken másele. Osy máselede biz álemde 123 oryndamyz, jemqorlyq deńgeıi áli de joǵary. Degenmen, jemqorlyqqa qarsy saıasattyń arqasynda biz 2014-2016 jyldary 17 pozısııaǵa kóterildik», – dedi A.Shpekbaev. Sondaı-aq, jıyn barysynda sońǵy bir jyl toǵyz aı ishinde 660 laýa­zym ıesi aıyppul tólegeni málim boldy. Sonyń arqasynda ót­ken jyly bıýdjetke 3,5 mıllıard teńge túsken. Agenttik tóraǵasy oryn­basarynyń aıtýynsha, aıyp­p­uldy ýaqtyly tólemegender bos­tan­dyǵynan aıyrylady. Joǵary­da atalǵan merzim ishinde 924 mem­lekettik qyzmetkerdiń dúnıe-múl­ki tárkilenip, 1210 adam ómir boıy­na memlekettik qyzmetti atqarý qu­qyǵynan aıyrylǵan. Memlekettik organdar qyz­met­kerlerine profılaktıkalyq shara retinde jemqorlyq pen laýazymdy qyzmetin asyra paıdalanǵany úshin bas bostandyǵynan aıyrylyp, jazaǵa kesilgender týraly beıne­rolık kórsetildi. Almatydaǵy barsha derlik quqyq qorǵaý salasynyń basshylary qatysqan úlken jıynda memlekettik apparattyń mańyz­dy jumysynyń biri retinde sapaly qyzmet kórsetý máselesi de sóz boldy. «Biz bul baǵytta barlyq úde­ris­­terdi qarapaıymdandyra otyryp, jarııaly túrde jumys júr­gizý­demiz. Jer qatynastary, páter bólý, qurylys, arhıtektý­ra, bilim men densaýlyq saqtaý sala­lar­yn­daǵy barlyq is-qımyldar ashyq júrgi­zilýde. Laýazymdy adam­darǵa, tur­ǵyn­darǵa, bızneske barlyq másele­ler­diń tek zań jú­zinde, eshqandaı sy­baılas jemqor­lyqsyz sheshileti­nin bildiremiz jáne talap etemiz. Bul iste memleket pen bıznes ara­synda ózara túsi­nistik qalypta­sýy tıis», – dep atap ótti Almaty ákimi. B.Baıbek qalada retsiz qurylys salýdyń aldyn alý úshin sáýlet-qurylys baqylaý isiniń pármendiligi artqanyn, jer qoryn saqtaý úshin túrli sheshimderdiń Bas josparǵa saı jasalatyndyǵyn aıtty. Bul sharalar memlekettik qyzmette jemqorlyqty boldyrmaýǵa yqpal etýde. Memlekettik qyzmettiń sapasyn arttyrý men qujattardy rásim­deýdi jaqsartý  barysynda Almaty búkilálemdik «Doing Busi­ness» banki jarııalaǵan reıtıngte alǵa shyqqany da aıtyldy. Mysaly, bıyl Qazaqstan 6 tarmaq boıynsha joǵary kóterilip, 35 oryndy ıelendi. Reseı, Belgııa, Italııa, Grekııa, Lıýksembýrg jáne basqalary bizdiń sońymyzda. Avto­mattandyrý arqasynda prosedýralar jeńildetildi, ruqsat qujat­taryn berý merzimi 3 ese qys­qaryp, 6 kúnge deıin jetti. Kereksiz qujattar talap etilmeıtin boldy. «Salyqtyq ákimshilik te jeńil­detildi. Búgingi kúni Almatyda salyqtyq esep berýdiń 96 paıyzy elektrondy túrde jiberiledi, elektrondy salyq qyzmetiniń úlesi – 85 paıyz. Munda qyzmetshi­lerdiń biliktiligine kóp nárse baı­la­nysty. Memleket basshysy aıtyp ótkendeı, kásibı memle­ket­tik qyzmet merıtokratııa qaǵıdat­taryna negizdelgen. Osy rette bizde óz isin jetik meńgergen apparat qalyptasqan» – dedi jıyn barysynda qala ákimi. Shahar basshysynyń  málim­deýine qaraǵanda, «Qurylys salýǵa ruq­sat alý» jaǵdaıy jaqsarǵan kórinedi. Iаǵnı, 22 pozısııaǵa kóte­rilip, 56-oryndy ıelengen. «Elektrge qosylý» pozısııasy 27 orynǵa joǵarylapty. Bul – 102 orynnan 75 orynǵa kóterildi degen sóz. Jıyn barysynda jemqor­lyqtyń aldyn alý jáne jol boıynda polıseılermen baılanysty boldyrmaý úshin 2017 jyly qala boıynsha bir myńnan astam beınekameralar ornatylatyn bolady. Megapolıstegi jıyn barysynda sybaılastyqpen kúreske qatysty qordalanǵan jaıttardyń barlyǵy da ortaǵa salynyp, atqarylyp jatqan jumystardyń barlyǵy da sala-sala boıynsha sóz boldy. Alaıda, jemqorlyqpen ymyralasýǵa jol bermeýge qarapaıym halyqtyń ózi de múddeli bolýy kerek. Mundaı jaǵdaıda qarapaıym turǵyndardyń kórinip turǵan ádiletsizdikke, berilip jatqan paraǵa, jasalynyp jatqan sharalarǵa kóz jumbaı, múddelestik tanytýy da bul iste asa mańyzdy ekeni qadap aıtyldy. Aınash ESALI, «Egemen Qazaqstan» ALMATY