Eń jaqsy em – eńbek terapııasy

Táýelsizdik alǵan jıyr­ma bes jyl ishinde egemen elimiz adam quqyqtary men bostandyqtaryn, sondaı-aq múgedekterdiń múddesin qorǵaýǵa baılanysty naqty jetistikterge jetti. Onyń aıqyn kórinisi – Oral qala­synyń shetinde orna­lasqan «Krýgloozernyı psıho­nevro­logııalyq medı­sınalyq áleýmettik mekemesi». 2010 jyldan bastap mekemede áleýmettik baǵytta kóp­tegen shtat ashylyp, olar tabysty qyzmet kórsetip keledi. Mamandar segiz baǵyt boıynsha jumys atqarady. Atap aıtsaq, áleýmettik medısınalyq ba­ǵyttyń maqsaty – qam­qor­lyqqa alynǵan adam­dardyń densaýlyq jaǵdaıyn, emdik is-sharalardyń ýaqtyly ári sapaly bolýyn baqylaý. Al áleýmettik psı­hologııalyq baǵytta jumys isteıtin mamandar emde­lý­shi­lerge psı­hologııalyq qol­daý kór­setedi, olardyń qa­jet­ti­ligin anyqtap, qoǵam ómi­rine kiri­gýine kómektesedi, psı­hologııalyq faktorlarmen túsi­nik beredi. Áleýmettik bilim berý baǵytynyń maqsaty – em­delýshilerdiń damýy­na kómek kór­setý, olardy sport­tyq saıys­tarǵa qatys­tyryp, oıyn­dar men sabaqtar ótkizý. Áleýmettik mádenı ba­ǵyt boıynsha ártúrli mere­kelik sharalar, oıyn-saýyq uıym­dastyrylady. Áleýmettik turmystyq baǵyttaǵy maman­dardyń negizgi maqsaty – em­de­lýshilerdiń turmystyq jaǵ­daıynyń durys bolýyn qa­daǵalaý, olardyń kútimi, emi men damýyna baılanysty týǵan-týysqandaryna keńes berý. Al, áleýmettik eńbek baǵytynyń paıdasy óte joǵary. Ony «eń­bek terapııasy» dep te ataıdy. Qamqorlyqqa alynǵan adamdar tigin sehynda, sheberhanalarda eńbekke daǵdylanady. Áleýmettik quqyqtyq baǵyt boıynsha jumys isteıtin mamandar quqyqtyq kepildikter týraly keńes beredi. Áleýmettik-ekonomıkalyq baǵyttaǵy mamandar búgingi na­ryqtyq qatynastar men demo­kratııalyq qoǵamnyń qaǵı­dalary men eńbek qyzmetine, óndiriske ekonomıkalyq taldaý jasaıdy. Osy segiz baǵyt boıynsha áleýmettik jumys jónindegi mamandardyń jetistikteri de joq emes. Qamqorlyqqa alynǵan adamdardy ýaqtyly skrınıng ádisi arqyly tekserip, qaterli aýrýlardyń bastapqy kezeńinde emdep, ómir jasyn uzartýǵa sep bolǵan mamandar da bar. Eńbek terapııasy boıynsha tigin sehynda jumys istep, sheberligimen kózge túsip, maqtaý qaǵazdaryna ıe bolyp júrgen Aıakóz Ken­jetaeva, aǵashtan túrli músin jasaıtyn Jádige Baımuhanov, mádenı sharalarǵa qatysyp, áýelete án salyp, júldegerler sapynan kórinip júrgen Qara­shash Sarbaeva mekemeniń maq­tanyshtary. Qamqorlyqqa aly­nǵan adamdar eńbekke daǵ­dylaný, óz qoldarymen baý-baqsha, gúl otyrǵyzý arqyly ózderiniń qoǵamǵa qajet ekenin sezinedi, jaqsy adamdardyń janynda júrgenin túısinedi. Árıne, osynyń bári me­keme dırektory Qaıre­den Jaq­sy­ǵulovtyń uıymdastyrý­shylyq qabiletiniń arqasynda múmkin bolyp otyr. Onyń orynbasary Ásem Danaǵulova da jumystyń jaı-japsaryn jaqsy biletin myqty maman. Múmkindigi shek­­teýli jan­dardyń qoǵamǵa beıim­delýi jo­lynda Asylbek Qadyr­bekov, Maı­ra Haıranova jáne basqa da mamandardyń qosqan úlesi zor. Bolǵanaı BEKMAShEVA   Batys Qazaqstan oblysy