Oblys ákimi Arhımed Muhambetov bastaǵan top Amangeldi aýdanynyń Tasty aýyldyq okrýginde bolyp, Keıki batyrdyń bas súıegi jerlenetin oryndy belgiledi. Osy jerde Keıki batyrǵa onyń urpaqtary qoıǵan belgi-kesene bolatyn. Bas súıek te osy belginiń qasyna jerlenetin boldy.
«Osy jerde mamyr aıynda kesene qurylysy bastalyp, ol tamyz aıynda aıaqtalatyn bolady. Qyrkúıek aıynda batyrdyń súıegin jer qoınyna tapsyrý rásimine oraı úlken shara ótedi», - dedi Arhımed Begejanuly.
О́ńir basshysynyń aıtýynsha, belgilengen jerden kesene úshin 2000 sharshy metr jer bólinedi, ınfraqurylymdyq jumystar júredi. Arhıtektorlar kesene jobasynyń 3-4 nusqasyn daıyndaıdy. Ony oblys ákimdigi respýblıkalyq komıssııaǵa usynatyn bolady. Kelesi jyly Amangeldi aýdanynda antropologııalyq jumystar bastalady. Eger batyrdyń dene súıegi tabylsa quba-qup, al tabylmaǵan jaǵdaıda bas súıektiń ózi jer qoınyna tapsyrylady.
Názıra Járimbetova,
"Egemen Qazaqstan".
Qostanaı blysy, Amangeldi aýdany
