Thomson Reuters Almatyda forým ótkizbek

18 qarashada Almatyda Qazaqstan Táýelsizdiginiń 25 jyldyǵyna oraı «Ǵylym jáne ınnovasııalar – ekonomıkalyq damýdyń negizi» atty forým ótedi, dep habarlaıdy Baq.kz. Sharaǵa ǵylym jáne bilim salasynyń kórnekti qaıratkerleri, Qazaqstannyń jas ǵalymdary qatysady dep josparlanýda. Sharanyń uıymdastyrýshylary – Ulttyq ǵylymı-tehnıkalyq aqparat ortalyǵy jáne Thomson Reuters halyqaralyq kompanııasy. Thomson Reuters kompanııasy sońǵy bes jyldan beri Qazaqstandaǵy ǵylym men bilimniń damýyna qoldaý kórsetip keledi. Forým aıasynda qazaqstandyq ǵalymdarǵa Web of Science (Thomson Reuters) aqparattyq resýrstarynyń negizinde jarııalaný belsendiligi men maqalalardan dáıeksóz alý boıynsha joǵary kórsetkishteri úshin «Ǵylym kóshbasshysy» táýelsiz nagradasyn tabys etý rásimi ótedi. Bul marapat ǵalymdardyń ǵylymı-tehnıkalyq qyzmetin nasıhattaý, kótermeleý jáne yntalandyrý, ǵylymı zertteýlerdiń sapasyn arttyrý, jáne sheteldik reıtıngtik ǵylymı basylymdarda jarııalaý maqsatynda taǵaıyndalady.