QR Sýretshiler odaǵynyń múshesi, S. Toraıǵyrov atyndaǵy Pavlodar memlekettik ýnıversıtetiniń «Arhıtektýra jáne dızaın» kafedrasynyń aǵa oqytýshysy Maısa Yqylasovanyń Pavlodar oblystyq kórkemsýret mýzeıinde mereıtoılyq derbes kórmesi ashyldy.
Maısa Yqylasova eńbekteriniń tartymdylyǵy sýretshiniń qoldanatyn erekshe tehnıkasyna baılanysty. Bul jumystaryndaǵy oǵan negizgi kómekshi bolatyn quraly – kıiz. Sýretshi kıizben tórt jyldan astam ýaqyt jumys isteýde. Sýretshiniń aıtýynsha, kıizben jumys jasaý ónerin ol ájesinen meńgergen, jáne ol ózin kıizden óner týyndysyn jasaýdyń ózindik tehnıkasyn alǵash qoldanǵan sheber sanaıdy.
Tańqalarlyǵy, qolóner sheberiniń jumystarynda akvareldi qoldanǵany baıqalmaıdy, jip-jińishke kómkerilgen árbir órnek bir-birin tolyqtyryp turady. Sýretterdegi dástúrli boıaýlar ornyna bederlengen boıalǵan qoı júni týyndyǵa erekshe kórkemdik beredi.
«Qoı júnin jabaǵylaýdan keıin, sýretke salyp otyrǵanda odan ne shyǵatyny beımálim. Keıde materıaldyń óziniń bir oıy bardaı óz degenin bederleıtindeı», – deıdi M. Yqylasova.
Masıa Yqylasova kıizben jumys isteý tehnıkasynyń negizi men ereksheligin Uly dala kóshpendileriniń baıyrǵy dástúri men ónerinen tamyr jaıǵanyn maqtan etedi.
