Qazaqstanda eski kólikterdi qabyldaý bastaldy

Búgin Qazaqstanda ýtılızasııalaý baǵdarlamasy aıasynda eski kólikterdi qabyldaý jumystary bastaldy, dep habarlaıdy QazAqparat. Búginde elimizdiń 17 qalasynda qabyldaý beketteri ashyldy. «О́KM (óndirýshilerdiń keńeıtilgen mindettemeleri) Operatory» JShS-nyń basqarýshy dırektory Rýstam Temirbekovtiń aıtýynsha, jyl sońyna deıin 10 myń kólikti qabyldaý josparlanǵan. Oǵan bıýdjetten kvota, ıaǵnı tıisti qarajat bólinip otyr. Baǵdarlama aıasynda 3,5 tonnadan aspaıtyn jeńil kólikter qabyldanady. Al ýtılızasııalyq tólemniń kólemi avtomobıldiń texnıkalyq jaǵdaıyna qaraı belgilenedi. Tolyq komplektasııasyna 150 000 teńge berilse, isten shyqqan kólikter úshin 48 000 teńge tólenedi. «Eski kólikti tapsyrý úshin aldymen sol aımaqta kvotanyń bar joǵyn tekserip alý qajet. Sondaı-aq www.avto.recycle.kz saıtynan kóliktiń qaı sanatqa jatatynyn bilýge múmkindik bar. Endi, dál qazir biz esikti bólek, shanaqty bólek eseptep jatqan joqpyz. Ázirshe, eki-aq kategorııa bar. Ol – 150 jáne 48 myń teńgeniń ótemaqysy», – deıdi R.Temirbekov. Sondaı-aq, ol baǵdarlama aıasynda eski kólikti qabyldaý beketine deıin jetkizý qyzmeti qarastyrylmaǵanyn aıtty.