VII Sýdıalar sezinde sóılegen sózinde Nursultan Nazarbaev sýdıalardyń ádildigi týraly aıtyp, olar halyqtyń kóńilinen shyǵý kerektigin de atap ótti.
– Sýdıa statıstıkalyq kórsetkishterdiń qurbany bolmaý kerek. Ol zań aıasynda ádil sheńber qabyldaý arqyly halyqtyń kóńilinen shyǵýy kerek, - degen Elbasy sýdıalardy qoǵamnyń ǵana emes, memlekettiń aınasyna teńedi.
– Sýdıanyń árbir sózi men is-áreketi adam taǵdyryn sheshýde óte-móte mańyzy joǵary. Endeshe, sýdıalardyń jaýapkershiligi orasan zor. Bir qumalaqtyń bir qaryn maıdy shiritetini sııaqty, bir sýdıanyń shalys qadam basýy tutas memlekettiń ımıdjin túsirip, qasyqtap jıǵan abyroıdy shelektep tógýi múmkin. Demek, kináliniń jazasyn berip, taraptardy tatýlastyrýda elimizdegi sýdıalardyń sózi myǵym, isi tııanaqty bolýy tıis, – dedi Nursultan Ábishuly.
Sonymen qatar Elbasy osy kúnge deıin sýdıalar sanyn arttyrý esh nátıje bermegendikten, sýdıalardy daıyndaý baǵdarlamasynyń baıaýlamaýy kerektigin aıtty.
– Meniń tikeleı tapsyrmammen 400-den astam aýdanaralyq deńgeıdegi sýdıalardyń sanyn 450-den asyrdyq, ortalyq apparattaǵy adamdardy 540-qa kóbeıttik. Biraq, olar tıisti nátıjeler kórsetpeı jatyr. Osy máseleni qaıta qarastyrýymyz kerek. Sonymen qatar, sot qyzmeti úshin tólenetin memlekettik baj tólemine de ózgerister engizdik. Ekiushty daýlasýshy taraptardyń sanyn qysqartýy kerek edi. Sondyqtan da biz "100 naqty qadam" Ult josparynyń tarmaqtarynda kórsetilgen mindetter boıynsha jumystardy júıeli túrde jalǵastyrýymyz kerek. Sonymen qatar, sýdıalardy daıarlap shyǵarý baǵdarlamasyn baıaýlatpaǵanymyz jón", – dedi N. Nazarbaev.
Nurlybek Dosybaı,
"Egemen Qazaqstan".
Sýretterdi túsirgen Erlan Omarov
