Dáýren Abaev aqparattyq qaýipsizdiktiń kemshin tustaryn atady

Qazaqstan Táýelsizdiginiń 25 jyldyǵyna arnalǵan sarapshylardyń kezekti kezdesýinde Aqparat jáne kommýnıkasııalar mınıstri Dáýren Abaev aqparattyq qaýipsizdikke qatysty suraqqa jaýap berdi, dep xabarlaıdy QazAqparat. «Ashyǵyn aıtaıyn, men ózim «aqparattyq qaýipsizdik» degen sózdi unatpaımyn. Sebebi onyń maǵynasy keń. Sondyqtan aqparattyq qaýipsizdik máselesin kótergende, aldymen, onyń astarynda neniń jatqanyn anyqtap alǵan jón. Menińshe, bizdiń aqparattyq qaýipsizdigimizdiń aqsap turǵan bir jeri – «sur tarelkalardyń» qyzmeti. Olar – taza sheteldik arnalardy kórsetetin spýtnıktik tabaqtar. Degenmen, dál qazir biz ondaı qyzmetke tolyǵymen tyıym sala almaımyz. Nege? Máselen, bireýler ol arnalar arqyly aǵylshyn premer-lıgasyn kórip otyr. Endi, ondaı arnalarǵa shekteý qoıý úshin sol premer-lıgany ózimizde kórsetetin bir arnany usynýymyz qajet. Al onyń syrtynda kásibı kommentatorlar, dybys pen kartınkanyń sapasy jáne taǵy basqa texnıkalyq máseleler bar», – dedi mınıstr. Onyń aıtýynsha, kelesi jyldan bastap Qazaqstandaǵy sheteldik telearnalar óz bólimshelerin ashýy shart. Bul – zańnyń talaby. Al bólimsheniń jetekshiligine Qazaqstan azamaty taǵaıyndalýy qajet.