«Memlekettik aqparattyq tapsyrys jaıynda aıtar bolsaq... aıtalyq, «Qazaqstan» teleradıokorporasııasyn alsaq, 18 mıllıard teńge «sumdyq» qarajat dep oılaımyz. Bizdiń sarapshylar bes jylǵa esepteıdi, al keıin memlekettik aqparattyq tapsyrys 100-150 mıllıard qarajat aldy deıdi. Bir qaraǵanda bul aqylǵa qonymsyz soma bolyp kórinedi. Al shyn máninde olaı emes», - dedi Abaev. Ol «Qazaqstan» teleradıkorporasııasynyń quramynda 23 buqaralyq aqparat quraly bar ekenin, onyń qatarynda 4 radıo jáne 14 oblystyq arnanyń bar ekenin túsindirdi. «10 paıyz qamtylyp otyr, Qazteleradıo – taratylym árbir aýylǵa jetedi, sıfrlyq taratylym da bar. Satyp alatyn kóptegen materıal da bar, sebebi biz fýtboldan Qazaqstan quramasy oıynynyń translıasııasyn satyp alýymyz kerek. Olımpıadada da solaı. Jasyryn túrde aıtaıyn, Olımpıadany kórsetý boıynsha kelissózderdi men júrgizgen edim, bul kelissózder Oıyndarǵa bir apta qalǵanda ǵana aıaqtaldy. Iаǵnı biz Olımpıadany kórsetpeı de qalýymyz múmkin edi. Bul óte kúrdeli kelissóz boldy. Buǵan da qarajat qajet, bul da memlekettik aqparattyq tapsyrys», – dedi mınıstr. Ol memlekettik aqparattyq tapsyrysqa jumsalatyn qarajat somasy jaıly aıtqan kezde naqty kontentke jumsalatyn aqsha jaıly ǵana sóz qozǵaý kerek ekenin atap ótti. «Eger barlyq tehnıkalyq máselelerdi, eńbekaqy tólemi qoryn alyp tastasa, memlekettik aqparattyq tapsyrystyń somasy áldeqaıda az bolady. Qazir aıtylyp jatqan somalar jaıly bir aýyz sóz de bolmaıdy dep senimmen aıta alamyn», – dedi Dáýren Abaev.
