Búgin Qazaqstan fýtbol Federasııasynyń baqylaý-tártip komıtetiniń otyrysy ótip, almatylyq "Qaırat" komandasynyń jattyqtyrýshylaryna aıyppul salyndy. Bul týraly Qazaqstan fýtbol federasııasy óziniń saıtynda habarlady.
«Qazaqstan fýtbol federasııasy "Qaırattyń" bas jattyqtyrýshysy Kahaber Shadadzege matchtyń resmı ókilderine beıádep sóz aıtqany úshin 300 myń teńge aıyppul salady", - delingen QFF saıtynda.
Dál osyndaı áreketi úshin "Qaırat" jastar komandasynyń jattyqtyrýshylary Sergeı Labodovskıı men Andreı Travınge de 100 myń teńge kóleminde aıyppul belgilendi.
