«Altyn dombyranyń» syıaqy kólemi belgili boldy

Almatyda 3-4 jeltoqsan kúnderi el Táýelsizdiginiń 25 jyldyǵyna arnalǵan «Altyn dombyra» aqyndar aıtysy ótetini belgili. Buǵan deıin birneshe jyl qatarynan ótken aıtystyń syıaqy qorynyń kólemi bıyl da saqtalatyn boldy. Iаǵnı, bas báıgeni ıelenip, «Altyn dombyra» músinine qol jetkizgen aqynǵa 3 mıllıon teńge syıaqy beriledi. Aıtys «Nur Otan» partııasynyń qoldaýymen, Almaty qalasy ákimdiginiń demeýshiligimen ótetinin aıta ketý kerek. Respýblıka saraıynda ótetin aıtysta Aıbek Qalıev, Meıirbek Sultanhan, Qalıjan Bildáshev, Bolatbek Orazbaev, Jansaıa Mýsına, Shuǵaıyp Sezimhan, Rınat Zaıytov, Iranǵaıyp Kúzembaev, Sara Toqtamys, Maqsat Aqanov, Aspanbek Shuǵataev, Erjan Ámirov, Ershat Qaıboldın, Syrym Ádilbek, Erkebulan Qaınazarov, Muhtar Nııazov, Rústem Qaıyrtaı, О́mirjan Kópbosyn, Shalqarbaı Izbasarov, Ásem Ereje syndy jıyrma aqyn baq synamaq. Aqyndardyń ónerin QR eńbek sińirgen qaıratkeri Amanjol Áltaev, Qazaqstannyń halyq aqyny Qonysbaı Ábilov, fılologııa ǵylymdarynyń doktory Qoılybaı Asanov, «Daryn» syılyǵynyń laýreaty Muhamedjan Tazabek, «Daryn» syılyǵynyń laýreaty Dáýletkereı Kápuly syndy tanymal aqyndardan jasaqtalǵan qazylar alqasy baǵalaıtyn bolady. Nurhan SAMARHAN