Depýtattar jańa jylda korporatıvti keshter ótkizbeıdi

QR Májilisiniń depýtattary men keıbir ulttyq kompanııalar jańa jyldyq korporatıvtik keshterdi ótkizýden bas tartty, - dep habarlaıdy Tengrinews.kz. "Bizde eshqandaı korporatıvter josparlanbaǵan. Biz qatań jumys kestesi boıynsha isteımiz jáne qazir parlament saıtynan kórýge bolady. Jańa jylda bizde de tórt kúndik demalys bolady, al 4 qańtarda reglament boıynsha biz aımaqtarǵa saparlaımyz. Aımaqtarda, shalǵaı aýdandarda jumys isteımiz, halyqpen kezdesý ótkizemiz. Parlamentte qydyryp ketetin demalystar da bolmaıdy, bul jaqsy ma, jaman ba - ózderińiz sheshersizder", -  dedi QR Májilisiniń depýtaty Pavel Kazansev. Májilis depýtaty Irına Aronova da depýtattardyń Jańa jyl qarsańynda eshqandaı korparatıvti keshter uıymdastyrmaıtynyn rastap, bul otbasylyq meıram jáne oshaq qasynda atalyp ótetinin aıtty. "Biz jańa jyldyq korporatıvter ótkizbeımiz, biraq kompanııa jyl saıyn Almatynyń Túrkisib aýdanyndaǵy kemtar jáne jańdaıy tómen otbasyndaǵy balalarǵa syılyqtar beredi", - deıdi bul másele boıynsha Air Astana áýe kompanııasynyń ókilderi. "Samruq-Qazyna" kompanııasynda da, bıýdjet esebinen korparatıvti merekelik keshter uıymdastyrylmaıtynyn, degenmen, qyzmetkerlerdiń óz qaltasynan merekelik sharalar uıymdastyrýy da sógiske jatpaıtynyn aıtty.