Dollardy qolma-qol satyp alý kólemi 6,6 paıyzǵa tómendedi

Qazan aıynda qazaqstandyqtardyń dollardy qolma-qol satyp alý kólemi aıyrbastaý núktelerinde 6,6 paıyzǵa tómendedi dep, habarlady Ulttyq bank baspasóz qyzmeti. Bir aıda aqsha aıyrbastaý núktelerinen jeke tulǵalar 304 mıllıon AQSh dollaryn satyp alǵan. «Jalpy aǵymdaǵy jyly, halyqtyń aıyrbastaý núktelerinen AQSh dollaryn qolma-qol satyp alýy eleýli tómendeýmen sıpattalady. О́tken jyldyń qazan aıymen salystyrǵanda, shetel valıýtasyn satyp alý kólemi 40,1 paıyzǵa, 2014 jyldyń qazaıyn aıynda 84 paıyzǵa qysqarǵan», – dep atap ótti birinshi deńgeıli bank. 2016 jyldyń 10 aıynda AQSh dollaryn satyp alý 2015 jyldyń qańtar-qazandaǵy aralyqpen salystyrǵanda 10,5 ese azaıdy. Mundaı tómen kórsetkish 2001 jyly tirkelgen. 2016 jylǵy 10 aıda AQSh dollaryn satyp alý 2015 jylǵy qańtar-qazan aılaryndaǵy kólemnen 10,5 eseden asa az boldy, bul 2001 jyldan bergi búkil baqylaý kezeńindegi eń tómen kórsetkish bolyp esepteledi. Halyqtyń AQSh dollaryn jalpy satý kólemi sońǵy 5-6 jyldaǵy ortasha deńgeıde, al halyqtyń AQSh dollaryn jıyntyq satyp alý kólemi eki eseden asa azaıdy. Osylaısha, halyqtyń qolma-qol AQSh dollaryna degen suranysynyń tómendeý úrdisi jalǵasýda.